Dewreya perwerdeya jinên Êzidî bi dawî bû

Rêxistina Kenedî Mission Esat bi hevkariya Meclisa Gelê Xanesorê dewreyek perwerdê ji bo 400 jinan dabû destpêkirin, bidawî bû
Rêxistina Kenedî Mission Esat bi hevkariya Meclisa Gelê Xanesorê dewreyek perwerdê ji bo 400 jinan dabû destpêkirin, piştî 40 rojan bi dawî bû. Li avahiya Meclisa Gel a Xanesorê ya Şengalê jinên perwerde xelaskirin bawernameyên xwe girtin.
Li ser naverok û armanca perwerdeyê Hevserokê Meclisa Gel a Xanesorê Saleh Xidir axivî û got; “Em spasiya Rêxistina Kenedî ya Mission Esat dikin. Ji destpêka fermanê ve gelek alikariya gelê me kiriye. Beriya 40 rojan ev dewreya perwerdê hatibû destpêkirin, bi dawî bû. Her wiha gelek karên çandî jî li Şengalê meşandin.”
Saleh Xidir axaftina xwe bi van gotinan dawî kir; “Pêşketina jinê di nava civaka me de pir giringe. Giringe ku jin karibe xwe pêş bêxwe. Ji ber timî ji aliyê dijmin ve jina Êzidî hedef hatiye girtin.”…ROJNEWS