Çalakiya konvendanê yên ciwanên Rojava – Bakurê Sûriyê li ber deriyê Sêmalkayê bi daxuyaniyekê bi dawî bû.
Rêxistinên ciwanan ên Rojava û Bakurê Sûriyê 24‘ê Tîrmehê bi armanca şermezarkirina êrîşên dewleta Tirk ên li ser Başûrê Kurdistanê, her wiha şermezkrina nêzîkatiyên PDK‘ê ku destûr neda ciwanan ku derbasî Başûr bibin û pişgiriya çalakiyên ciwanan bikin, çalakiya konvedanê li deriyê Sêmalkayê destpêkirin.
Çalakî roja 16’ê Tebaxê bi dawî bû, bi sedan endamên saziyên sivîl û leşkerî, nûnerên partiyên siyasî serdana çalakgeran kir û piştgiriya xwe ya bi çalakiyê re anîn ziman.
Çalakî bi merasîmeke leşkerî ji aliyê endamên Yekîtiya Ciwanên Rojava ve dest pê kir.
Endamê Koordînasyona YCR‘ê Akif Mustefa axivî û êrîşên dewleta tirk ên li ser Başûrê Kurdistanê, êrîşa dawî ya li ser Şengalê û bêdengiya PDK‘ê şermezar kir.
Mustefa bang li rêxistinên Kurd kir Kongreya Netewî ya Kurdistanê bêyî beşdarkirina PDK‘ê li dar bixin û got, “PDK‘ê xeta îxanetê temsîl dike.”
Koma Botan a girêdayî Tevgera Çand û Hunerê jî stran gotin beşdaran jî li ber stranan govend gerandin.
Axaftina dawî ya çalakiyê ji aliyê Rêvebera Yekîtiya Jina Ciwan Şehnaz Zagros ve hate kirin.
Şehnaz got,”Wekî ciwan em êrîşên dewleta Tirk a dagirker ên li ser Başûrê Kurdistanê û îxaneta PDK‘ê şermezar dikin.”
Şehnaz destnîşan kir ku ew ê çalakiyên xwe bi rihê Berxwedana Serdemê bi dawî bikin û xeta şehîdan berdewam bikin.