Ayşa Silêman/ Dêrik
Bi boneya 15’ê Gulanê roja zimanê kurdî Desteya Perwede û Fêrkirinê ya bajarê Dêrikê bi alîkariya Komîteya Tîmên Navdar li bajarê Dêrikê pêşbirka bazdanê ji bo xwendekaran lidar xistin.
Bi boneya 15’ê Gulanê roja zimanê kurdî Desteya Perwedeyê û Fêrkirinê ya bajarê Dêrikê bi alîkariya Komîteya Tîmên Navdar li bajarê Dêrikê pêşbirka bazdanê ji bo xwendekarên navîn û amadehî lidar xistin. Di pêşbirkê de hemû Rêveber, mamoste û xwendekar hazir bû.
Pêşbirk ji xerajê dest pê kir û heya kolana Mişwar bidawî bû.
Bi giştî 34 xwendekar tevlî vê pêşbirkê bûn, her wiha xwedekar bûn du tîm, tîmên jin û yên xort.
Pêşbirk bi tîma jinan dest pê kir û ji nav wan de sê kes hatin xelat kirin a ku yekem giha binavê Mariya Hisên bû ji dibistana Şehîd Yûsiv Elezme bû, a duyem bi navê Lîlaz Omer ji dibistana Şehîd Delîl û ya sêyem bi navê Yasmîn Osman ji dibistana Şehîd Dêrsim.
Piştî bidawî bûna tîmê jinan tîmê xortan dest pê kir û yê ku yekem gihişt Esed Omer bo ji dibistana Şehîd Omer Serxwebûn, yê duyem Elend Hesen ji dibistana Şehîd Yûsiv Elezeme û kesê sêyem gihişt Sîpan Elî ji dibistana Şehîd Yûsiv Elezeme.
Piştî ku pêşbirk bi dawî bû xelat li kesê yekem, duyem û sêyem hat belav kirin di heman demê de xelat li mamoste Elî Silo, Çekdar Omer, Besna Elwan û Barîn Mihemed jî hat belav kirin li ser keda ku dayîn di vê pêşbirkê de.
