Ji Kawayê Hesnkar ta Kawayê hemdem Mezlûm Doxan, Ji Ehmedê Xanî ta Cegerxwîn û Celadet Bedirxan, ji Seyd Riza ta Qadî Mihemed û Abudulla Ocelan gelê kurd bi sedê salan berxwedan û tekoşînê dide meşandin ji bo bidestxistina hebûn, nasname, ziman, çand û dîrok xwe û bi taybet piştî hevpyama Qesra Şêrîn û Lozanê ku Kurdistan di navbera pençên dewletên desthilatdar de hat parçekirin, pişaftin, qirkirin û tunekirin. Her wiha di bin hemû şert û mercên stamkarî, koletî, bindestî, êş û azaran re jî, jiyan kir û rû bi rûyê qirkirinê ma. Lê belê tevî hemû hewildanên dijminê kurd û Kurdistanê ji bo windakirina gelê kurd û nexşeya Kurdistanê, nikarîbû îrade û vîna vî gelî bişkîne û ji hole rake, berovajî wê her ku dem diçe ev gelê berxwedêr berxwedana xwe xurtir û bilntir dike û hebûna xwe ji hemû cîhanê re ispat dike û bi taybet piştî roja pîroz, roja vejîna gelê kurd ku di bin batonê de hatibû veşartin.Bi rojbûna Rêber Apo êdî kurd bûn xwedî rêber û hebûn û xwesteka Ehmedê Xanî bi cih hat dema ku digot xwezî me jî hebûye xwedanek. Bi hatina Rêber Apo û damezarandin tevgera azadiyê û pirên ku jinên leheng ji cane xwe saz kiribûn ji 8 Adarê heta 21’Adarê û guleya yekemîn ji Egîdê leheng, careke din kurd bûn xwedî deng û reng di jiyanê de û ne tenê di her çar parçên Kurdistanê de lê belê di hemû cîhanê de, êdî doza kurdî di qadên navnetewî de tê nîqaşkirin û ji bo ku kurd bighêjin azadiya xwe tim û tim di berxwedan û tekoşînê de ne.
Bi taybet di dawiya sedsala 20’an de û destpêka sedsala 21’ê ku Rêbertî gotiye sedsala azadiya jin e, lewma em dibînin çawa bi pêşengtiya jina kurd li her çar parçên Kurdistanê jin bi rol û misyona xwe radibe û bi taybet di hilbijartinên şaredariyan ên bakurê Kurdistanê bi vîn û hêzeke pir xurt di nava gund û bajarên kurdan de xwedî roleke mezin bû ku bihêlin kurd li dengê xwe, hebûna xwe û nasnameya xwe xwedî derkevin û bi encama kedeke mezin di 75 bajaran de kurd bi serketin û pilanên partiya AKP’ê ya faşîst têk birin. Ev sîstema ku bi hemû rê û rêbazan dixwaze kurdan ji holê rake, lê belê bi hevgirtina gelê kurd û kesên azadîxwaz pilanên Erdoxanê faşîst bi bin ketin.Em jî wekî meclisa Kongira Star di Rojavayê Kurdistanê de, bi hezkirin û kêfxweşieke pir mezin pîrozbahiyên bi coş, ji dilên gerim ji DEM partî û gelê kurd li Bakurê Kurdistanê re rê dikin û em dibêjin her bi pêşengtiya jin wê serkeftin ya me be.