Navenda Nûçeyan
Hêzên Îsraîlê rêzeçalakiyên leşkerî li ser xeta sînor li başûrê Sûriyê, berdewam dike. Di nava heftiyekê de artêşa Îsraîlê 17 caran derbasî axa Sûriyê bûye û operasyonên leşkerî pêk anîne.
Li gorî Rewangeha Mafê Mirovan a Sûriyê, di navbera 17 û 24’ê Tîrmehê de hêzên Îsraîlê 17 çalakiyên bejayî pêk anîn, di nav de avakirina xalên kontrolê û lêgerîna sivîlan û şeş êrîşên hewayî ku tê de firînên giran ên ji hêla balafirên şer, helîkopter û balafirên keşfê ve hebûn.
Her wiha du êrîşên hewayî jî hatin tomarkirin, ku tê de bombe ji dronan hatin avêtin, digel sê bûyerên gulebarana makîneyan û topan ku di encamê de zarokek û ciwanek birîndar bûn û du ciwan hatin girtin.
Dema bûyeran
Di 17’ê Tîrmehê de hêzek leşkerî (çar wesayît û buldozerek) ket malên sivîlan li Abdîn li Deraayê. Dewriyeke din ket herêma Bendava Ruweyhîna li Quneytrayê lê piştî demeke kurt vekişiya. Di heman demê de, balafirên şer bi firîna li ser hewza Yermûkê qada hewayî ya Sûriyeyê binpê kirin û dronekê bombeyek li nêzîkî sivîlan li ser rêya Me’ariye-Ebdîn avêt.
Di 18’ê Tîrmehê de dewriyeke Îsraîlî ket gundê Tell Ehmer el-Şerqî, Bendava Kodna û Seyda el-Henût li Quneytrayê. Di heman demê de, du operasyonên hewayî bi balafirên keşfê û helîkopteran li ser Bendava Kodna û deverên ku dirêj dibin heta “Sêgoşeya Mirinê” û derdora el-Kiswah li gundewarê Şamê pêk anîn. Dronekê du bombeyên deng di navbera Ebdîn û el-Erdayê de avêtin.
Di 19’ê Tîrmehê dewriyeyek ket gundê El-Semdaniya el-Şerqiyah xaleke kontrolê ya demkî ava kir
Di 20’ê Tîrmehê de dewriyeyek ji heft wesayîtan pêk dihat ji deriyê Tell Ebû el-Xeyser ber bi Rezaniye û Seyda el-Henût ve ket hundir û ciwanek girt.
Di 21 Tîrmehê de du dewriyên Îsraîlî ji deriyê Tell Ebû el-Xeyser ketin Wadî Reqad û gundê Seyda el-Henût .
Di 22 Tîrmehê de du dewrî derbasî derdora Bendava El-Menterah bûn.
Di 24’ê Tîrmehê de devera di navbera Berîqa û Bir Ecem, Wadî El-Reqad û Tell El-Dera’iyat li rojavayê El-Mu’ellaqa li gundewarê Quneytra hat topbarankirin.
