Lîloz Hisên/Qamişlo
Bi boneya hatina 4`ê Nîsanê û bi armanca xurtkirina têkiliyên zarokan bi xwezayê re rêxistina Stêrik li gundê Şindî yê girêdayî bajarê Qamişlo dar çandin.
Bi boneya 4`ê Nîsanê û bi armanca xurtkirina têkiliyên zarokan bi xwezayê re, Rêxistina Stêrik bi hevkariya Desteya Ekolojî li gundê Şindî yê girêdayî bajarê Qamişlo çalkiyek çandina daran li dar xistin û dar ji aliyê zarokên gund ve hatin çandin.
Rêvebera rêxsitina Stêrik Cûliya Xelo diyar kir ku ji bo pêkanîna çalakiyê, rêxistina Stêrik 200 dar ji Deseteya Ekolojîk girt û wiha got: “Di çalakiya çandina daran de 100 darên Hejîr, Berû, Tirî, Zeytûn û Mişmiş û hin cûreyên gulan li gundê Şindî ji hêla zarokên gund ve hatin çandin.”
Hêjayî Gotinê ku wê sibe jî 100 darên din li taxa Cûdî ya bajarê Qamişlo li komînên zarokan( Komîna Şehîd Mezlûm, Komîna Şehîd Demhat û Komîna Şehîd Seydo) bên çandin.