Lîloz Hisên/ Qamişlo
Kordînasyona Meclisa Jin a Kongra Civaka Islamî Meha Izo diyar kir ku meha remezanê yek ji stûnên Îslamê ye, herwiha meheke pîroze ji ber ku Quran tê de hatiye daxistin,herwiha mirov tê de li xwe vedigerin, xêra dikin û têkiliyên hezkirinê zêdetir dike.
Li tevahiya welatên misulmanan, meha remezanê xwedî girîngiyeke mezine û misulman di vê mehê de rojiyê digrin û rê û rêsmên wê pêk tînin. Li bakur û Rojhilatê Sûriyê jî meha remezanê bi kefxweşî tê pêşwazîkirin.
Derbarê vê mijarê Kordînasyona Meclisa Jin a Kongreya Civaka Îsamlî Emîra Izo ji rojnameya me re axivî.
Emîra Izo di destpêka gotinên xwe de meha remezanê li hemû gelan bi taybet li gelên bakur û rojhilatê Sûiyeyê û cîhanê pîroz kir û wiha pê de çû: “Meha remezanê meheke ji stûnên Îslamê ye her wiha Quran tê de hatiye daketin ji ber vê yekê jî pîroz û mubareke. Meha remezanê ne tenê ji bo rawestandina av û vexwarnê ye lê belê ji bo ku her kes bi mirovên xizan û yên rewşên wan ne baş hîs bikin, alîkariya hev bê kirin hezkirin û hevgirtin zêdetir di nava gel de çêbibe.”
’Komeleya Selam ji bo pêşkêşkirina alîkariyan dixebite’
Emîra da zanîn ku ji bo pêşkêşkirina alîkariyên meha remezanê Komeleya Selam dixebte û wiha domand:”Komeleya Selam beşeke ji Kongreya Civaka Îslamî ye hevkariyê bi hev re dikin da ku alîkariyan pêşkêş bikin. Ji xwe kesên ku alîkarî li wan tê belavkirin ewin xelkên xizan, kesên bê dê û bav û malbatên ku rewşa wan ne başin. Di heman demê de jî xwarinê ji xelkê re çêdike û li wan belav dike, selikên xwarinê pêşkêş dike.”
Emîra Izo çşaret kir ku alîkarî ne tenê li Qamişlo tê belav kirin, li Hesekê jî tê dayîn û yên zêdetir li kampên penaberan tê dayîn.
’Bernameyên têkildarî meha Remezanê tên pêşkêş kirin’
Emîra destnîşan kir ku Kongreya Civaka Demokratîk weke xebatên dabû pêşiya xwe bernameya diyarkirina seatan ji destpêka rojiyê hazir kirbûn û wiha got: “Seatên azana sibehê û azana fitorê hatin diyarkirin bi hemû hûgrguliyên wê ku li ser rûpela kongreyê, li hemû saziyan û mecalisan li bakur û rojhilatê sûriyeyê hat belavkirin.”
Di berdewamiya gotinên Emîra Izo de hate destnîşan kirin ku kongreyê hemû hûrgûliyên zikatê fitrê û zikatê pera di riya tabloyek hatiye çêkirin tê de hemû pirsên zikatê hatiye diyar kirin.
’Ji bo nimêj û xitbên Înê kongir mijaran diyar dike’
Emîra Izo da xuyakirin ku ji bo xitbên înê kongir mijarên van xitbeyan li gorî rewşa heyî diyar dike û wiha dewam kir: “Xutbeyên Înê 10 rojên destpêkê behsa xêra van rojan, herwiha behsa xêra alîkariyan dikir. Di riya van xitbeyan hişmendiya gel pêş dixin di nava civakê de yanî bi awayekî giştî tê şîrovekirin.”
’Bernamyên şîrovekirina hûrgûliyên meha Remezanê di riya raghandinê tên pêşkêş kirin’
Emîra Izo derbarê bernameyên meha Remezanê jî wiha got: “Bernameyên şîrovekirina meha rojiyê, eleqeya rojiyê bi civakê re, fêrkirina nimêjê ji hêla endamên kongreyê li ser raghandinê di radyoyan an jî televîzyonê tên dayîn. Ji bo zelalkirina pirsên di nava mirov de çêdibe. Li gorî îslama rast dûrî îslama rast û ji ya radîkal dûr.”
Kordînasyona Meclisa Jin a Kongreya Civaka Îslamî di dawiya axaftinên xwe de anî ziman ku bi boneya hatina meha remzanê gelek pîrozbahî û serdan ji olên din hatin pêşkêşkirin ev yek dihêle ku hevgirtin û hezkirin di nava pêkhateyan xurttir bibe her wiha watya yekbûna gelan dide nîşandan.
