Ronaz Silêman/Qamişlo
Bi boneya Roja Şano ya Cîhanî û salvegera 20`mîn a şehadeta Yekta Herekol li navenda Çand û Huner a Mihemed Şêxo ya bajarê Qamişlo çalakiyek hunerî tê li darxistin û wê 2 rojan dewam bike.
Desteya Çandê, Hîlala Zêrîn û Tev-Çand bi boneya roja şano ya cîhanî û salvegera 20`emîn a şehadeta Yekta Herekol li navenda Çand û Huner a Mihemed Şêxo ya li bajarê Qamişlo çalakiyek ku 2 rojan dewam dike li dar xist.
Di destpêka çalakiyê de hemû beşdarvan deqeyek rêzgirtin li ser giyanê şehîdan rawestiyan, piştre endamê komîteya amedekar Keder Hisên xêrhatina mêvanan kir û wiha got: “Şehîd Yekta
yek ji şehîdên ku muhra xwe di şanoya kurdî xist û bo sembola şangeriyê ji bo hemû şanogerên kurd û cîhanê.”
Di heman demê de li ser navê Tev-Çand Sumeya Mihemed û Hevserokê komîna şano ya kantona Cizîrê Kawa Fetah axivîn û wiha gotin: “Xwedîderketina li hunermendî û şanogeriyê di dilê me de hatiye çandin, lewra divê her hunermendek û şanogerek dev ji xebatê xwe bernede.”
Herwiha ji hêla Kawa Fetah ve nameya şano ya cîhanî bi zimanê Erebî hat xwendin.
Piştre rêhevalê şehîd Yekta Osman Kortelan diyar kir ku Yekta mamosteyê wî bû û rê nîşanî wî dida û anha ew riya wî didomînin û wiha got: “Gereke hunermend û rewşenbîr rê nîşanî civakê bidin wisa xwdî li rêka xwe derdikevin. Cidî bû û her tuşt cidî digirt, jiyana wî wiha bû.”
Çalakî bi pêşandan senevîzyonekê ya li ser jiyana şehîd Yekta Herekol berdewam kir. Herwiha di roja yekê de şanoya ‘Dika heqîqetê, Wê Werin û ya Tiyatra Hinar hatin pêşandan.
Di roja 2`an ya dawî de wê şanoya’Rastiya jiyanê, Ez yan Em, Kursî, Piromatsê zincîrkirî û Cotyar’ werin pêşandan.
