Hêvî Melek/ Qamişlo
Di çarçoveya pêngava cîhanî ya azadiya Rêber Apo de, gelên herêma Bakur û Rojhilatê Sûriyê di 9’ê Sibatê de dest bi kampaniya komkirina Imzeyan kirin û heya 4 Nîsanê wê dewam bike. Endamê Insiyatîfa Sûrî ya azadiya Rêber Abdullah Ocalan Silêman Ehmed diyar kir ku bi saya berxwedan û têkoşîna gel wê Komploya Navneteweyî têk biçe û Rêber Apo fîzîkî azad bibe.
Di çarçoveya pêngava cîhanê ya azadiya Rêber Abdullah Ocalan ku li tevahiya cîhanê deng ved, Însiyatîfa Gel a Azadiya Rêber Abdullah Ocalan a Bakur û Rojhilatê Sûriyeyê di 9’ê Sibata 2024`an de kampaniya komkirina îmzeyan ya ji bo azadiya Rêber Abdullah Ocalan da destpêkirin, herwiha wê heya 4`ê Nîsanê dewam bike. Ji despêka kampaniyê ve bi sed hezaran gelên herêmê bi coşeke mezin tevlç bûn û helwesta xwe nîşan dan.
Di derbarê Kampaniya Komkirina Imzeyan de endamê Insyatîva Suriyê ya azdiya Rêber Abdullah Ocalan Silêman Ehmed, ji rojnameya me re axivî.
Gel bi riya îmzeyan helwesta xwe nîşan da
Silêman Ehmed diyar kir ku tevahiya gelên bakur û Rojhilatê Sûriyê ji bo azadiya Rêber Apo xwedî helwstin û wiha got: “Li Rojava û Bakur û Rojhilatê Sûryê ji bo azadiya Rêber Apo gelek kampanyayên komkirina îmzeyan tên li darxistin û ev yek nîşaneya herî mezin a hevgirtina gelê Rojava ya ji bo azadiya Rêber Abdullah Ocalan e. Pêngaveke cîhanî ji bo azadiya fîzîkî ya Rêber Apo û çareseriya pirsgirêka Kurdî hatiye dest pê kirin, di sala borî de jî pêngava komkirina îmzeyan hat destpêkirin û zêdeyî 2 milyon û 600 hezar îmze hat komkirin li ser asta Bakurê Sûriyayê, piştre ev îmze ji CPT`î re hat şandin. Kampaniya komkirina îmzeyan ya îsal armanc jê ew bû ku 3 milyon îmze werin komkirin, heta niha 2 milyon, 291hezar û 736 îmzeye hatin komkirin. Gelê me bi eşqa azadiyê, coş û hêzeke mezin tevlî vê pêngavê bûn, her kes xwe li gel rêberê xwe dîtin ku di riya va îmzeyan de îradeya xwe ya siyasî û demokratiyetê dan nîşan dan.”
‘Rêber Apo navenda çareserkirina tevayiya pirsgirêkên Rojhilata Navîn e’
Endamê Insyatîfa Sûrî ya azdiya Rêber Abdullah Ocalan, Silêman Îsa Ehmed di dawiya axaftinê xwe de anî ziman ku tevahiya gel bi hêz û îradeya xwe tevlî kampaniyê bû û wiha got: “Gel bi bi hêz û îrade tevlî vê pêngavê dibin,bi hêz û bawerî îmzeyên xwe didin komkirin. Hewceyî gotinê ye ku ev îmze wê ji meclisên Ewropî re werin şandin. Em spasiya gelê xwe û Komîteyên ku kar xebatên didin meşandin dikin, yên ku bi rihê azadiyê xwe nêzî armanca xwe dikin. Em dev ji doza xwe bernadin heta ku em rêber di nav xwe de bibînin, ji ber ku fikrên rêber Apo navenda çareserkirina tevayiya pirsgirêkên Rojhilata Navîn e.”
