Zana Roj/ Şehba
Ji bo tolhildan şehîdan û rizgarkirina Efrînê, Hêzên Rizgariya Efrînê di 30’ê Çileyê de çalakiyeke fedayî li dar xist û yek ji yek ji fedayiyên vê çalakiyê ku bû pêşengê doza azadiyê, şehîd Cûdî Gabar e.
Di 30’ê Çileya 2024 an de Hêzên Rizgariya Efrînê li hembere dagirkerkiya Tirkiyê û komên Çeteyan ve çalakiyeke fedayî bi pêşengtiya 5 qehremanan dan destpêkirin. Yek ji pakrewanên vê çalakiya pîroz Ş. Cûdî gabar e.
Ş. Cûdî Gabar xwedî malbateke bi nirx û welatparêz yên herêma Efrînê ye. Şehîd Cûdî di sala 2014 an bi destpêkirina şoreşa Rojavayê Kurdistanê re tevlî nava refên Yekîneyên Parastina Gel bû ye. Di 30’ê Çileya 2024 an de û di çalakiya fedayî ya Hêzên Rizgariya Efrînê li gundê Basilê tevlî kerwanên Şehîdan dibe.
Jiyana şehîd Cûdî Gabar
Cemîl silêman bi nas nav (Cûdî Gabar) di sala 2001’ê de li gundê Bircika Silêmên a girêdayî navçeya Şêrawa ya herêma Efrînê ji dayîk bûye û ew kurê tenê yê malê bû. Ş.Cûdî di nava malbatê de zarokê herî biçûk di nava malbatê de bû.
Ş. Cûdî bi hebûn û dîtina xwe di nava malbateke welatparêz de, li ser fikir û felsefeya Rêber APO mezin bû. Bi hatin û çûyîna gerîlayên azadiyê ji mala bapîrê wî re û tevlîbûna Xaltîka wî ji salên 90’î ve ji nava refên tevgera azadiyê wê demê Ş. Cûdî êdî hîn baştir rastiya fikira têkoşîna azadiya Kurdistan nasdike. Bi destp;kirina şoreşa Rojavayê Kurdistanê re Ş. Cûdî dema li gund bû li ser destê hin komên çete ku derbasê gund bibûn hat revandin û piştî demekê serbest hat berdan. Ev bûyer di jiyana Ş. Cûdî de têgihîştina heqîqeta gelê Kurd û tevlîbûna nava refên tevgera azadiya Kurdistan mezintir kir.
Di sala 2014 an de bi lawê xaltîka xwe re tevlî Yekîneyên Parastina Gel dibe û bi navê (Cûdî Gabar) tê naskirin. Di pêvajoya Berxwedana Serdemê ya qonaxa yekemîn bi hev re şer dikin û di wê berxwedaniyê de kurê xaltîka wî Ş. Pêşeng Şehîd dikeve.
Ş. Cûdî cihê xw di nava Hêzên Rizgariya Efrînê de digire
Di encama hovîtiya dagirkeriya Tirkiyê li ser herêma Efrînê û piştî 58 rojan ji berxwedaniyê. Gelê Efrînê di 18’ê Adara 2018 an de bi darê zorê koçberî herêma Şehbayê dibin. Bi vê pêvajoyê re ragihandina berdewamkirina qonaxa duyemîn a berxwedana Serdemê tê destpêkirin û Hêzên Rizgariya Efrînê tê ragihandin. Ş. Cûdî bi vê yekê re tevlî Hêzên Rizgariya Efrînê dibe.
Yek ji çalakiyên herî pîroz û girîng çalakiya fedayî ya Hêzên Rizgariya Efrînê li hember dagirkeriya Tirkiyê û komên çeteyên girêdayî wê di 30’ê Çile de li gundê Basilê bû. Di wê çalakiyê de 5 pêşengên xeta têkoşînê cihê xwe tê de digirin û Ş. Cûdî yek ji wan pêşengan bû.
`Bi temenekî biçûk barekî giran girt ser milê xwe`
Têkildarî jiyana Ş. Cudî dayîka wî Zêneb Silêman ji rojnameya me re axivî û wiha behsa jiyan û hezkirina wî ji tevgerê re kir:”Şehîd Cûdî xwedî hezkirinek mezin li hember malbat û hevalên xwe bû. Di nava malbatê de dihat hezkirin û gelekî jêhatî bû. Hezkirina wî ji tevgera azadiyê re roj bi roj mezin dibû û bi taybet jî dema ku temenê wî 12 salî bû biryar da ku tevlî bibe. Lê ji ber hevalan qebûl nedikir di wî temenî de tevlî bibe, got ku temenê min 17 salî ye. Wê demê min jê re got hîn tu biçûkî divê tu hinekî din mezin bibê û piştire tevlî tevgerê bibê, lê belê di temenekî biçûk de barekî giran girt ser mile xwe”.
Herwiha dayîka Zeyneb bi van gotinan axaftina xwe bi dawî kir: “Li ser xeta têkoşîn û azadiyê emê riya Şehîd Cûdî berdewam bikin. Ez şehadeta wî diyarî Rêber APO û hemû dayîkên Şehîdan dikim. Wê bi fedayîtiya van qehremanan tu carî dijmin negihîne armancên xwe”.