Lîloz Hisên/ Qamişlo
Rêxistina Nûdem a Astengdaran bi boneya Roja cîhanî a Sendroma Down îro li navenda xwe ya Qamişlo ya taxa kornîş şahî ji zarokan re li dar xist.
Bi boneya Roja Sendroma Downê ya cîhanî ku her sal di 21’ê Adarê de tê pîroz kirin, rêxistina Nûdem a Astengdaran ji zarokên Sendroma Downê re şahiyek li darxistin. Rêveberiya rêxistina Nûdem diyar kir ku em dixwazin kêfxweşiyê bighînin hemû zarokan û bi drûşmeya ’’ Kêfa di dilê wan de dikeve dilê me jî’’ vî rojê li zarokan pîroz kir.
Di çalakiyê de Berdevka Rêxistina Nûdem a Bakur û Rojhilatê Sûriyeyê Davyan Mehmûd bi xêrhatina mêvanên hazir kir û ev roj li hemû zarokan pîroz kir, Davyan Mehmûd diyar kir ku ev çalakî ne tenê li Qamişlo tê pîroz kirin, herwiha li kampa Serêkaniyê ya bajarê Hesekê, Heleb û şehba jî te pîroz kirin.
Di çarçoveya çalakiyê de lîstok hatin lîstin herwiha zarokan stran vegotin û dîlan girtin. Di dawiya çalakiyê de ji bo zarokan diyarî hatin belav kirin.
