Hêvî Melek /Qamişlo
Serhildana Kurdan ya 12`ê Adara 2004`an li dijî desthilatiya netewperest serhildana destpêkê bû, di encama vê serhildanê de 40 kes şehîd û bi sedan jî birîndar bûn. Sîhanok Dîbo diyar kir ku Serhildana 12ˊê Adara 2004ˊan bû çirûska serhildan û berxwedanê.
Di 12’ê Adara sala 2004’an de li bajarê Qamişloyê di navbera tîma Cîhad a Qamişlo û tîma Fitiwê ya Dêrazorê de maça futbolê hat lîstin. Lê dema lîstokvan û gel derbasî stadyûmê bûn, komên nijadperest ku ji berê de ji aliyê Rejîma BAIS ve hatibûn erkdarkirin li dijî gelê kurd dirûşme û bi keviran êriş kirin. Polîs û leşkerên Rejîmê di heman demê de êriş pêk anîn û hemû deriyên stadyumê girtin.
Di debarê vê mijarê de hevserokê nivîsgiha têkiliyên giştî ya partiya yekîtiya Demokratîk PYD`ê Sîhanok Dîbo, ji rojnameya me re axivî:
salvegera 20`emîn ya serhildana Qamişlo di 2004`an de, Dîbo diyar kir ku serhildana 12`ê Adarê bê guman weke gaveke dîrokî xwe da diyar kirin û wiha got: Bi taybet ew gav wekî bersivekê gelerî bû li ser wan siyasetên ku rejîma Baas dabûn meşandin,12`ê Adara 2004`an rêjîma Sûriyê xwest di navbera gelê Kurd û Ereb de tevlîheviyê derxe. Rejimê li dijî gelê Kurd bi alîgirên xwe bi kar anîn û komkujî bi wan dan kirin. Di encamê de bi dehan Kurd şehîd û birîndar bûn û bi hezaran jî hatin girtin. Dîbo da diyar kirin dema ku cudahî xistin navbera 2 tîmên fotbolê de tê wateya ku cudahiyê dixin navbera 2 gelan de. Bûyera li Qamişlo, lîstokek siyasî ya metirsînî bû. Ev planên qirêj berhema dewleta dagirkeriya Tirk û rejîma Baas’ê bû ku xwestin gelê Kurd û gelê Ereb bînin pêşberî hev û şerê gelan bidin dest pê kirin. Lê gelê berxwedêr bi lehengî li berxwedan û rê li ber planên qirêj girtin.Dîbo di dawiya axaftinê xwe de anî ziman ku Serhildana 12ˊê Adara 2004ˊan bû çirûska berxwedanê û li tevahî bajarên Rojava û bajarên mezin ên Sûriye û paytext Şamê belav bû. Dîbo wiha axaftina xwe domand û got: Serhildana 12ˊê Adara 2004ˊan bû çirûska berxwedanê li tevahî bajarên Rojava û bajarên mezin ên Sûriye û paytexta Şamê belav bû, em bejna xwe li ber şehîdên xwe ditewînin û sersaxiyê ji malbatên wan re dixwazin.