Birûc Resûl/Qamişlo
Yekîtiya Ragihandina Jinê û bi hevkariya yekîtiya Ragihandina Azad, bi boneya 8’ê Adarê komxebatek bi dirûşma ‘Rola rojnamegerên jin û xebatkarên çapemeniyê di guhertina civakê de’ li dar xist.
Bi boneya 8’ê Adarê roja jinan a cîhanê Yekîtiya Ragihandina Jinê (YRJ) û bi hevkariya Yekîtiya Ragihandina Azad (YRA), komxebatek bi durûşma ‘Rola rojnamegerên jin û xebatkarên çapemeniyê di guhertina civakê de’ li parka xwendinê ya bajarê Qamişlo hat li dar xist. Di komxebatê de gelek rojnamevanên jin amade bûn. Herwiha di komxebatê de du beşên girîng wek Rola Jin di ragihandina azad de û girîngiya bi rêxistinkirina wê, herwiha rola rojnamevanên jin ji rakirina hişmendiya mêr de.
Komxebat bi sînevîzyonekê têkildarî avabûna YRJ’ê û kar û xebatên ku di asta Bakur û Rojhilatê Sûriyê de hatine kirin hate nîşandan.
Piştre mijara yekem a Komxebatê Rola jin di ragihandina azad de û girîngiya bi rêxistinkirina wê di wê warê de Rojnamevan Nalîn Dîcle wiha axivî û got: “Me pêwistî dît ku em di qada ragihandinê de bi rêxistinî tevbigerin. Divê em wek rojnamevanên jin, di polîtîkaya weşanê de fikir û ramanê jinê serwer bikin. Ji bûyerên dîrokî bigire, heta yên rojane bi meyzekirina jinê şîrove bikin. Bi şoreşê re ragihandin jî pêş ket. Di serî de wek nivîskî, piştî wê jî radyo, TV, rojname, kovar û ajans çêbûn. Ev hemû berhêmên rêxistinbûna jinê di qada ragihandinê de ye. Di pêvajoya
şoreşê de gavên mezin ji aliyê jinan ve hatin avêtin. Armanca YRJ a sereke ewe ku bikaribe bibe alternatîf, midaxele, sererastkirin, li ser tevahî civakê serwer bibe û guhertinan pêk bîne.”
Di heman demê de mijara duyem ku rola rojnamevanên jin ji holê rakirina hişmendiya mêr de û awayên çêkirina şoreşekî di wê warî de ji aliyê Rojnamevan Bêrîvan Xelîl ve wiha şîrove hate kirin: “Tundiyên mezin li ser jinê heye ku ji cil û berg, axaftin, nêzikatiyên bav mezin dibe. Di civaka xwezayî de jin pêşeng bû û karê xwe hemû xwe bi xwe dikir. Jin ji hemû karên heyî hatibû qutkirin ku vê hişmendiyê jin bi xwe jî nedizanî. Jin ne tenê di ragihandinê de ji hemû karan hatibû dûr xistin. Nasname û hebûna jinê tunebû û tenê wek teşe hebû. Di nava civakê de jin çawa beşdarî ragihadinê bû? Tevlîbûna jinê ji ragihandinê re mîna şoreşekî bû. Îro jin di qada ragihandinê de dibe eynika jinê. Piştî şoreşa Rojavayê Kurdistanê rolek girîng di aliyê ragihandinê de leyîst. Ev şoreş bû firset ku jin ji bo doza xwe kar bike. Dema şoreş nû çêbû û RAJIN hate avakirin, yekem erka sereke ew bû ku jin him civakê biguherîne û him jî kesayeta xwe avabikin. Jina rojnamevan hişmendiya civakê diguherîne.
Komxebat bi nêrînên jinên rojnamevanên bi dawî bû.
