Hêvî Melek/ Qamişlo
Ji bo azadiya Rêber Abdullah Ocelan, gelên Bakur û Rojhilatê Sûryê di 9`ê Sibata 2024`an de dest bi Kampanya Komkirina Îmzeyan kir. Endama Isiyatîfa Parêzerên Sûrî ji bo parastiina Rêber Apo Beşîra Ismayîl diyar kir ku gelên Bakur û Rojhilatê Sûryê ji bo azadiya Rêber Apo asta têkoşînê roj bi roj bilintir dikin.
Rêberê gelê kurd Abdullah Ocalan ev 26 sal in li dijî tecrîd û îşkenceyê di girtîgeha Îmraliyê de li ber xwe dide, ev demek heye ku tu agahî jê nayên girtin, dewleta Tirk nahêle ku parêzer yan malbata wî têkiliyê pê re bikin yan tu agahiyan li ser rewşa wî nasbikin. Di çarçoveya pêngava cîhanê ya azadiya Rêber Apo de gelên bakur û rojhilatê Sûriyê di 9’ê Sibatê de dest bi kampaniya komkirina imzeyan kir û ev kampanî heta 4 Nîsanê wê dewam bike.
Derbarê kampaniya komkirina imzeyan de endama Însyatîfa Parêzerên Sûriyê a ji bo Parastina Rêber Abdullah Ocalan Beşîra Ismayîl ji rojnameya me re axivî.
Beşîra diyar kir ku ev 26 sal in Rêber Abdullah Ocalan di girtîgeha Îmralê de ye û wiha got: “Dewleta Tirk her tim hewl dide ku tu agayiyan derbarî rewşa Rêber Apo de nade, em weke mafnas û parêzeran daxwaza me ji rêxistinên mirovî yên cîhanê heye ku li hemberî tecrîda li ser Rêber Apo bêdeng nemînin û zagonên ku imze kirine pêk bînin. Ji ber ku Rêber Apo temenê wî 75 salî derbas bûye, dewleta Tirk li tu hiqûqa navneteweyî guhdar nake. Helbete ku li Rojava û Bakur û Rojhilatê Sûriyê gelek kampanyayên komkirina îmzeyan bên li dar xistin û ev yek jî nîşaneya herî mezin a hevgirtina gelê Rojava ya ji bo azadiya Rêber Abdullah Ocalan e. Kampanya komkirina îmzeyan gihaştiye zêdeyî 2milyon û 600 hezar îmzeyan.
‘Azadiya Rêber Apo azadiya Gelê Kurd ji zilm û zordariyê ye’
Endama Însyatîfa Parêzerên Sûriyê a ji bo Parastina Rêber Abdullah Ocalan Beşîra Ismayîl wiha qedand: “Ev kampanya ku ji 9`ê Sibata 2024`an de dest pê kiriye û dê het roja jidayikbûna Rêber Apo 4`ê Nîsanê dewam bike, armanca me ya yekem û dawiyê jî ew e ku 3 milyon îmze li seraserî Bakur û Rojhilatê Sûryê ji bo azadiya Rêberê gelê Kurd were bi destxistin. Hemû yekîtî û saziyên di Rêveberiya Xweser de ji bo azadiya Rêber Apo gelek tevlîbûn û çalakiyan didin meşandin , ji ber ku azadiya Rêber Apo azadiya Gelê kurd ji zilm û zoriyê ye. Me weke yekîtiya giştî ya parêzeran li se asta Rojava û Rojhilata navîn gelek semîner li darxistin û me ji cîhanê re ragihand ku Rêber Abdulah Ocalan di girîgeha herî bi zirar di cîhanê de ye , ew jî girtîgeha Îmralê ye. Dewleta Tirk wê bernade û nahêle parêzer û malbata wî sardana wî bikin û li tevî wê jî tu agahiyan derbarî reşa wî nadin.”