Ronaz Silêman/Qamişlo
Bawernameyên werzê yekem yên xwendekarên qonaxa sertayî yên dibistnanên herêma Bakur û Rojhilatê Sûriyê hatin belavkirin. Xwendekarên Dibistana Colan ya bajarê Qamişlo bi kefxweşiyeke mezin bawernameyên xwe wergirtin.
Îro li dibistanên Herêma Bakur û Rojhilatê Sûriyê yên Rêveberiya Xweseriya Demokratîk bawernameyên werzê yekem li xwendekarên qonaxa seretayî û amadahî hatin belavkirin.
Dibistana Colan ya seretayî ku yek ji dibistanên bajarê Qamişlo ye, bi çoş û kelecaneke mezin bawernameyên xwendekaran li wan belav kirin. Di şahiya belavkirina bawernameyan de mamosteyên dibistanê û malbatên xwendekaran amade bûn.
Derbarê belavkirina bawernayan mamosteya bi navê Esmehan Elo ji rojnameya me re axivî.
Esmehan Elo diyar kir ku zarok bi kêfxweşiyeke mezin bawernameyên xwe wergirtin û wiha got: “Îro jî em bawernameyan li xwendekaran belav dikin, sedema derngiya bawernameya ew bû ku bawernameyên me bêtirî xwe li Çapxaneya Sîmav dihatin çapkirin, lê mixabin bi sedema êrîşa dewleta Tirk a dagirker ku Çapxane kir armanca êrîşan, derengî ket belavkirina bawernameyan de. Di heman demê de astengiyê ku di vî werzî de em rastî wê hatin, derengiya pirtûkan, kêmbona sotemeniyê û hwd, ji ber dewleta Tirk a dagirker êrişî binesaziya herêmê kir.”
