Ji bona kar û xebatên hunerî tu astengî li pêşiya xwe nedîtin

Hêvî Melek/Qamişlo

Şanoger Umer Hesen bi navê Teyaro di nava civakê de tê naskirin û di sala 1984`an de li bajarê Qamişlo di nava malbateke welatparêz de ji dayik bûye.

 ji bo ku karibe çand û wêjeya kurdî bi cîhanê bide naskirin xwe di aliyê şanoyê de  pêş rêxe herwiha li ser daxwaza xwişka wî Ş. Hebûn tevlî koma şanogeriyê di sala 1995`an de dibe û tevlî koma Botan a şanoyê bû. Di sala 1997`an de di şahiya Aram Tîkran de cara yekem derdikeve li ser dika şanoyê û lîstikvaniyê dike. Weke tê zanîn jî Umer bejina wî pir kurte, lê vê yekê ji bona xwe nekiriye astengî û di jiyana xwe de her karê ku tê ser milê wî dike û astengiyan di pêkanîna wê de nabîne. Di şanoyên xwe de hemû astengî û zehmetiyên ku kurd têde jiyan dikin bi awayekî komîdî pêşkêş dike. Teyaro xwest ku çanda kurdî di riya şanoyê de biparêze û hem jî xwest ku xwe ji her kesên astengdar re bike mînak, ku ew jî dikarin van astengiyên xwe bikin hêz û xwe bi vê hêzê û bi xwe bawerbin. Teyaro bi xwe kesekî dwarf (bejin kin) e, lê ev yek ji bona xwe nekir asteng di pêşiya karê xwe yê hunerî de û di encamê de bû kesayeteke navdar di nava civaka kurd de. Xwişka wî ya ku di sala 1995`an de tevlî refên Gerîla bûye ew bû sedema tevlîbûna wî ji koma şanogeriyê re. Ji dema ku şoreşa Rojava dest pê kir şanoger Umer wekî ciwanekî welatparêz tevlî refên YPG’ê bûye, di demên şer de jî taxa xwe diparast, tevlî gelek eniyên şer bûye, mîn şerê Şingalê, Til elo, Serê kaniyê. Çi şerê ku di Rojava çêbûye wî cihê xwe têde girtî ye. Piştî rizgarkirina Şingalê ji DAIŞ’ê ji bo ku coş û kelecanê bide hemwelatiyan û leşkeran şano pêşkêş dikirin. Di sala2007` an de  cihê xwe di mehrîcana seyf el Heleb de girtiye. Mehrîcana li bajarê Helebê ku cara yekem şano bi zimanê kurdî li ser asta Sûryê tê de dihate pêşkêşkirin, herwiha şanoger Teyaro hestên xwe yên netewî di nava şanoyan de derbirîn dikir. Di heman demê de Umer di nava malbata xwe de mirovekî pir kêfçîye, bi dost û hevalên xwe re alîkare, wekî ku tê zanîn ew di xebatên xwe yê şanoyê û di jiyana xwe de jî mirovekî pir serkeftî ye. Piraniya berhemên wî yên şanoyê bi hevalê wî yê ku tê naskirin bi Bavê teyar re hatine tomar kririn.