Ronaz Silêman/Qamişlo
9`emîn Festîvala Wêje û Hunera Jinan a ku ji aliyê Desteya Çandê ya Kantona Cizîrê ve bi hevkariya Tevgara Çanda Jinên Hîlala Zêrîn bi dawî bû
Bi beşdarbûna pêkhateyên herêmê yên Kurd, Ereb, Suryan, Êzidî, Ermen û Çerkes bi cil û bergên gelêrî ve 9`mîn Festîvala Wêje û Hunera Jinan a bi dirûşma “Jina şoreşger keziyên azadiyê dirêse” li Navenda Çand û Hunerê ya Mihemed Şêxo ya bajarê Qamişlo bi dawî bû.
Felstîval bi dirêjiya 2 rojan berdewam kir û têde gelek berhemên çandî, wêjeyî û hunerî hatin pêşandan. Di destpêkê de, sehneyeke folklorî ji aliyê Koma Şehîd Dîlan ve hat pêşkêşkirin, piştre xwendina çîrokan bi zimanê Kurdî ji aliyê Botan Hoşê ve hat xwendin. Herwiha parçeyek folklorî ji aliyê Koma Yersosa ya (Govendê) ve hat pêşkêşkirin.
Di heman demê de xwendina Çîrokan bi zimanê Êrebî ji aliyê Evîn Yûsif ve hat xwendin. Û ji aliyê Koma Şehîd Delîla ve hin stranên şoreşgerî hatin pêşkêş kirin. Sinivizyonek ji bo danasîna komîteya nirxandinê hat ragihandin. Piştre ji aliyê komîteyên amadekar ve, spasname ji jinên beşdarî festîvalê bûn ve, hatin belavkirin.
Di dawiya festîvalê de, li ser 3 astan a çîrokên kurdî û Erebî, Helbest û Şêwekarî ji aliyê Komîteyên amadekar ve hatin xelatkirin.
Beşa çîrokên Kurdî:
1- Çîroka ‘Nîgaş’ ya Zîlan Hemo hat xelatkirin.
2- Çîroka ‘Gum Gum’ ya Sewsen Şêx Bekir hat xelatkirin.
3-Çîroka ‘Xatûna Xemgîn’ a Fatma Mûrad hat xelatkirin.
Beşa çîrokên Erebî:
1- Çîroka bi navê ‘Şilêr’ ya Canda Remo hat xelatkirin.
2- Çîroka bi navê ‘El-Kemai’ ya Sewsen Xelîl hat xelatkirin.
3-Çîroka bi navê ‘Esbehe El-Selam’ a Zozan Mihemed hat xelatkirin.
Beşa helbestên Kurdî:
1-Helbesta ‘Bendewarim’ a Silava Ararat hat xelatkirin.
2-Helbesta ‘Zarokatî’ a Bêrîvan El-Faris hat xelatkirin.
3-Helbesta ‘Keça Kurdim’ a Fadiya Bêrem hat xelatkirin.
Beşa helbestên Erebî:
-Di asta 2`mîn de Heya El-Îsa hat xelatkirin.
-Di asta 3`mîn de Zekiya Heyder Mûsa hat xelatkirin.
-Komîteya nirxandinê ji bo gotarê Siltan Eto xelat kir.
Beşê şêwekarî:
1- Di asta yekem de wênesaz Yara Hisko hat xelatkirin.
2-Di asta 2`mîn de wênesaz Ehlam Xalid hat xelatkirin.
3- Di asta 3`mîn de wênesaz Naya Ibrahîm hat xelatkirin.