Li hin taxên bajarê Qamişlo yên mîna Qudûrbeg, Rojav û El Siyahî di demên dawîn de pirsgirêka avê rûdaye. Şêniyên taxan ji ber vê pirsgirêkê bi gazinc in. Hevserokê Muduriyeta Ava Giştî ya Qamişlo Vînda Hesen diyar kir ku pirsgirêka avê di van demên dawîn de zêde bûye û got, “ji bo çareseriyê me proje pêşxistine.”
Li hin taxên bajarê Qamişlo di demên dawîn de pirsgirêka avê rûdaye. Şêniyên taxan ji ber vê pirsgirêkê bi gazinc in.
Di van demên dawîn de li hinek taxên bajarê Qamişlo pirsgirêka qutbûna avê derket. Şênî ji ber vê pirsgirêkê zehmetiyan dikişînin. Aliyên têkildar sedema vê pirsgirêkê bi tunebûna hilmijên ku dikarin avê biavêjin wan taxan ve girê didin. Taxên ku av lê qut bûne ev in; taxa Qidûrbek, taxa Rojava û taxa El-Siyahî.
Hevserokê Komîna Şehîd Lewend a taxa Qidûrbek Ehmed Ferhan destnîşan kir ku şênî ji bo çareserkirina pirsgirêkên xwe yên derbarê qutbûna avê de serdana komînê dikin.
Ji ber qutbûna avê şêniyên taxan neçar dimînin ku avê ji sarîncan bikirin. Welatiya bi navê Hemdiyê Xelîl Mehmûd diyar kir ku ew ji ber qutbûna avê, xezana avê bi buhaya 2 hezar lîreyên Sûriyê dikirin.
Ehmed Ferhan diyar kir ku wan rexne û giliyên şêniyan ji aliyên têkildar û meclisa kantonê re pêşkêş kirine û got: “Aliyên têkildar soz dan ku wê xetek avê ji bîra Gulistana Şehîdan a taxa Qidûrbek ji taxê re bikişînin.”
Hevserokê Miduriyeta Ava Giştî ya Qamişlo Vînda Hesen diyar kir ku pirsgirêka avê di van demên dawîn de zêde bûye û bi taybet li taxên Qidûrbek, El-Siyahî û Rojava. Vînda diyar kir ku wan piştî ji bo çareserkirina pirsgirêkê proje danîne…ANHA
