Solîn Mihemed/ Qamişlo
Di çarçoveya bilindûbûna pileya germahiyê li bajarê Qamişlo piraniya jenertorên elektirîkê hatine rawestandin ji ber nebûna madeya mazotê. Cîgirê hervserokatiya rêveberiya sotemeniyê Hisên Silêman diyar kir ku di rojên pêş de wê madeya mazotê dê were dabînikirin
Şeniyên bajarê Qamişlo di nava taxên cûda ji ber rawestandina jînatorên elektirîkê bi tevahî êşê dikişînin, ev yek barê şêniyan girantir dike di çarçoveya şert û mercên avehewayên gerim ku hemû şêniyên herêmê xwe dispêrin van jernetoran ji bo dabîn kirina pêwistiyên xwe.
Di vê derbarê de cîgirê hervserokatiya rêveberiya sotemeniyê Hisên Silêman ji Rojnameya me re diyar kir ku sedema sereke a kêmbûna hilbirîna madeya mazotê ji ber pêvajoya entegrasyonê ya bi Wezareta Enerjiya Sûriyê ye û wiha got: “Di heman demê de ji ber rawestandina xebtandina heraqatan e, di encamê de rêjeya hilbirînê kêm bû û gihaşt ji sedî 50’î.”
Hisên Silêman diyar kir ku ji ber demsala çinînê daxwaz tê kirin ku rêjeyên mezin ji madeya mazotê ji bo patozan bên dabîn kirin û wiha îşaret pê kir: “Ji bo ku em karibin parastina zeviyan ji her bûyerek awarte weke şewatê, bikin, madeya mazotê ji bo patozan tê belavkirin. Ji ber vê yekê kirîz di ketegoriyên din ên weke xizmetî û mazota piştgiriyê derketiye holê.”
‘Ji bo çareserkirina civîn têne lidar xistin’
Di derbarê girtina tedbîran ji bo ku rê li ber vê kirîzê bigirin Hisên Silêman wiha anî ziman: “Civînek di navbera saziya sotemeniyê ya Rêveberiya Xweser û Şirketa Sûrî ya Petrolê li ser asta parêzgehê hat lidar xistin. Tê de li ser rastiya madeya mazotê û rêyên zêdekirina rêjeya wê di dema bê de bê dabîn kirin, diyar bû. di civînê de soz hat dayîn ku rêjeya madeya mazotê bê zêdekirin, bi vî awayî dê kirîz kêm bibe û rastiya belavkirinê baş bibe.”
Yekbûna buhayan li seranserî Sûriyê
Di derbarê mijara bilindbûna buhayên sotemeniyê Hisên Silêman wiha anî ziman: “Ev mijar girêdayî pêvajoya entegrasyonê bi aliyên perywendîdar yên di saktora enerjiyê de li ser asta Sûriyê, ye. Niha kar tê kirin ji bo yekbûna buhayên sotemeniyê li hemû parêzgehan, li gorî siyaseta nû ye di sektora enerjiyê de.”
Di dawî de Hisên Silêman tekez kir li ser pêşkêşkirina buhayên mazotê yên piştgirî, li gorî şert û mercên aborî û jiyanî ku welatî têre derbas dibin û wiha got: “Aliyên peywendîdar rojane rastiya sotemeniyê dişopînin û hewil didin ku zehmetiyên heyî derbas bikin. Dibe ku di rojên pêş de bi awayekî gav bi gav madeya mazotê dê were dabînikirin.”
