Festîvala Huner Û Wêjeya Jinê Ya 9’an tê lidarxistin
Birûc Resûl/Qamişlo_
Bi pêşengiya Desteya Çandê ya Kantona Cizîrê, li bajarê Qamişlo, Festîvala Wêje û Hunerê ya Jinê ya 9’an bi diruşmeya ‘Jina Şoreşger Keziyên Azadiyê Dirêse’ tê lidarxistin.
Di 1 Adarê de, Desteya Çand û Hunerê li Kantona Cezîrê 9`emîn Festîvala Wêje û Hunerê a Jinan di bin diruşmeya ‘Jina Şoreşger Keziyên Azadiyê Dirêse’ li navenda Mihemed Şêxo ya Çand û Hunerê ya bajarê Qamişlo li dar xist.
Festîval di çarçoveya çalakiyên ’Roja Cîhanî ya Jinan (8’ê Adarê)’ de ye. Di festîvalê de gelek xalên wêjeyî yên wekî helbest, stran û xalên çandî û hunerî hatin pêşkêşkirin. Herwiha ji bilî hunerên destan û nîşandana cil û bergên gelêrî yên kurdî û tebiloyên wênesazan ku ji aliyê jinan ve hatine xêzkirin, hatin pêşkêşkirin.
Di destpêka festîvalê de deqeyek rêzgirtin li ser giyanên şehîdan hat rawistandin. Piştira li ser navê komîteya amedekar Firyal Çolî axivî û got: “Em her sal di vê demê de li bajarê Qamişlo Festîvala Huner û Wêjeya Jinan li dar dixin. Lê îsal di festîvalê de cudahiyek heye. Stran û dîlan û me giranî da ser beşa wêjeyî û hunerî, di nav de helbest, xêzkirin, wêne û hunerên destan û îsal gelek beşdar bûn. Em vê festîvalê li hemû jinan pîroz dikin.”
Piştra sinefizyonek li ser festîvala Wêjia û Hunerê ya jinan ku salên berê hat li darxistin, hat pêşkêşkirin. her wiha ji aliyê Hunermend Yasmîn Esker ve stranên erebî yên gelêrî hat pêşkêş kirin. Di heman demê de helbestvana suriyanî Kebrîyêla Yusif helbesta bi zimanê suriyanî û helbesta bi zimanê Erebî helbestvan feyrûz Reşik hatin xwendin. Piştira koma Ertisax a dîloana filokilorî hat pêşkêşkirin.
Di dawiyê de pêşedana cil û bergên kurdî hatin pêşkêşkirin.
Hêjayî bibîrxistinê ye ku di 1`ê Adara 2018’an de li bajarê Qamişlo yekemîn Festîvala Wêje û Hunera Jinan bi dirûşmeya ’Bi hunera jinê em ê jiyanê ji nûve bixemilînin’ hatibû lidarxistin. Herwiha îsal jî 1’ê Adarê destpêkir 2’ê Adarê wê bi dawî bibe.
