Li Îsfahanê yê Îranê çalakiyên protestoyê yên ji ber buhabûn, qutkirina av û elektrîkê geştir dibin.
Li Îsfahanê çalakî di roja sêyemîn de didomin û li gelek bajarên din jî belav dibin.
Li navçeya Şapûr Cedîd a Îsfahanê roja Çarşemê çalakî hatin lidarxistin û sloganên ‘Hamaney biteqize’, ‘Ji dîktator re mirin’ û ‘Dijminê me li vir e, ne Amerîka ye’ hatin berzkirin.
Hêzên rejîmê bi bombeyên gazê mudaxeleyê çalakgeran kir û ciwanan agir dadan. Li hin kolanan, hêzên rejîmê ji neçarî bi paş ve vekişiyan.
Li kolanên Emîr Kebîr, Muşhîr El Duwleh û Hazardestanê di navbera çalakgerên Îsfahanê û hêzên dewletê de şerekî giran çêbû.
Li Îsfahanê çalakî di roja sêyemîn de didome û hate diyarkirin ku hêzên dewletê gelek kes destgîr kirine.
Li Tehran û Meşedê jî gel daketin kolanan û çalakiyên protestoyê li dar xistin.
Posta çûyî