Ayşa Silêman/Qamişlo
Yekitiya Rewşenbîran a kantona Cizîrê Şahiya îmzekirina pirtûka ˊWa Şehîdˊ ya helbestvan Hesîne Ehemd û pirtûka ˊWeda El Nasik El Exîrˊ ya nivîskar Ebdurehman Mihemed li Parka Xwendinê ya Qamişlo li dar xist. Di şahiyê de gelek nivîskar, helbestvan, rewşenbîr û kesayetên civakî beşdar bû
Berhema 4’an ya nivîskar û rojnamegerê rojnameya Ronahî Ebdurehman Mihemed û berhema helbestvana kurd Hesîna Ehmed ku ji aliyê Desteya Çandê û Yekîtiya Rewşenbîran a kantona Cizîrê ve di sala 2023’an de hatibûn çapkirin,hetin imze kirin.
Şahiya imzekirinê ku li ji aliyê Yekîtiya Rewşenbîrên Kantona cezîrê ve li Bexçeyê Xwendinê yê bajarê Qamişlo hat li darxistin, bi deqeyeke rêzgirtinê li ser giyanê şehîdan hat dest pê kirin, piştî wê hevseroka Desteya Çandê a kantona Cizîrê Anahîta Sîno bi hestekî gerim xêrhatina hemû rewşenbîr, nivîskar, endamên malbata şehîdan û endamên saziyên Rêveberiya Xweser kir.
Anahîta Sîno tekez kir ku ev çalakiyên ku tên kirin bi saya berxwedaniya şehîdane û wiha got: “Her peyv, hevok û pirtûkek bi ked û berxwedaniyê hatiye nivîsandin. Divê em her dilopek xwîn û xwêdana ku ji hevokê diherike pîroz bibînin.”
Piştî wê Pirtûka nivîskar Ebdurehman Mihemed ji aliyê Ebdulmecîd Xelef ve hat nirxandin. Ebdulmecîd Xelef anî ziman ku nivîskar Ebdurehman Mihemed dixwaze piştî xwendina vê berhemê hest û jiyanek nû ava bike di hundirê mirov de. Herwiha sererastkirina rêzmana vê pirtûkê ji aliyê mamoste Ebdulhemî Qaidî ve ji Behrên hatiye kirin.
Di dawiyê de nivîskar Ebdurehman Mihemed ji aliyê Yekîtiya Navneteweyî ya Çapemniya Erebî spasnameyek wergirt. Di heman demê de helbestvana kurd Hesîna Ehmed û nivîskar Ebdurehman Mihemed ji mêvanan re hin helbestên xwe xwendin.
