Ayşa Silêman/Qamişlo
Îro Kongra Star a bajarê Qamişlo bi dirûşmeya ‘ jina azad civaka azad e’ ‘ Jin jiyan azadî’ ji bo şermezarkirina sûcên li dijî jinên ku li Efrînê tên kirin meşek li darxist.
Îro di demjimêr 12’an de li bajarê Qamişlo ji bo şermezarkirina sûcên li dijî jinan li Efrînê meşeke girseyî ji aliyê Kongra Star a bajarê Qamişlo ve hat li darxistin. Meş ji dermanxaneya Deham a li taxa Kornîş bi pêşngtiya jinan û bi tevlîbûna hemû saziyên Rêveberiya Xweser dest pê kir.
Di meşê de wênyên jinên ku rastî tundiyê hatibûn hatin hildan û bi siloganên bijî berxwedana Gêrîla, bijî berxwedana jinên Rojava, Na ji dagirkeriyê re dihatin gotin.
Meş li pêşiya Navenda Netewên Yekbûyî ya Bajarê Qamişlo veguherî mîtîngê û şîniyên Qamişlo bi xuleyek bêdengî li ser giyanê Şehîdan rawestiyan. Di destpêkê de endama Kordînasiyona Kongira Star Remziya Mihemed bi silavên gerim ji bo berxwedaniya gelên Efrînê dest bi axaftinên xwe kir û wiha got: “Dijimin tu carî nikare îradeya gelên Efrînê bişkîne, di van şeş salan de dagirkeriya Tirk kiryarên hovane li ser xweza, av, jin û zarokan dide meşandin. Dagirkeriya Tirk çiqasî şer û hovîtiya xwe li ser gel bide meşandin jî wê hertim berxwedana gelên Efrînê li ber çavên xwe bibîne. Bi van kiryaran dixwaze Efrînê bi temamî vala bike û demografiya Efrînê bi giştî bide guhertin.”
MÎtîng bi silogana ‘ Bijî Serok Apo, Bimre îxanet û jin jiyan azadî bi dawî bû.