Festîvala Mîtan a 5 emîn bi dirûşmeya “Veger Nêz E, Bi Hêvî Ne destpêkir

Zana Roj/ Şehba
Festîvala Mîtan a şanoyê ku di bin dirûşmeya “Veger Nêz E, Bi Hêvî Ne” li herêma Şehbayê ji aliyê Komîna Sînama, Tevger û Desteya Çand û Hunerê hatiye orgenîze kirin, îro li Şehbayê bi kernevalekê destpêkir.
Li ser asta Bakur û Rojhilatê Sûriyê Festîvala Mîtan a Şanoyê li herêma Şehbayê bi demsala xwe ya 5 emîn destpêkir. Ev festîval li Efrînê bi sê demsalan hat çêkirin û ya 4 emîn li Şehbayê hate lidarxistin û îro ya 5 emîn jî li Şehbayê birêve diçe. Li gorî bernameya ku hatiye danîn festîvala Mîtan ji 10’ê Çile heyanî 18’ê Çileyê wê bedewam bike.
Îro roja yekemîn ji festîvala Mîtan a 5mîn bi kernevalekê hate destpêkirin. Tavahî endamên ku beşdarî festîvalê bûne bi awayekî hunerî û şanogerî derketin nava gel û bi kernevalekê dest bi festivalê kirin. Kerneval bi rengekî gerok li kampên Serdem û Berxwedan û li nava gundewarên herêma Şehbayê geriya. Bi vî awayî tavahî kom û şanogeran coş û kelecana Mîtan a 5 emîn di nava gel de dan nîşandan û hîskirin.
Bernameya Festîvalê wiha ye.
Çarşem 10/1 li darxistina gelêrî (Kerneval)
Pêncşem 11/1 lidarxistina fermî û hunerî
În 12/1 Nêrînek (Heleb)
Şemî 13/1 Çeper (Efrîn, Şehba)
Yekşem 14/1 Ne Rewa (Kerkuk)
Duşem 15/1 Tîrêj (Efrîn, Şehba)
Sêşem 16/1 Çakuç (Kobanê)
Çarşem 17/1 Kiş Mîr (Hesekê)
Pêncşem 18/1 sazkirina li ser keltikên bendewarityê (Reqa) û girtina festîvalê