Maya Alelî/Qamişlo
Birayê şehîd Yûsif Gulo Ibrahîm Gulo diyarkir ku Ş. Yûsif Gulo xwedî hestên welatparêziyê bû û mirovekî dilrast,xêrxwazî û azadîxwaz bû.
Yûsif Gulo û du neviyên xwe, yê ku di encama êrîşên balafirên bê mirov yên dagirkeriya dewleta tirk di 9`ê Mijdara 2021`de şehîd ketin. Malbata Yûsif Gulo malbatek azadîxwaz,welatparêz û evîndarê xaka xwe bû û ji bona azadiyê gelek bedelên giranbuha ji bona wê dane.
Girêdayî jiyan û şehadeta Yûsif Gulo de birayê wî Ibirahîm Gulo ji rojnameya me re axivî.
Di destpêkê de Ibirahîm Gulo got,şdhadeta Yûsif Gulo êşk bû û me ev êş derbas kir. Ji bere ku miletê me tev di vê êş re derbas bû û em jî weke miletê xwe, xweîna me jî tevlî xwîna tevahî şehîdên azadiyê bû.
Ibrahîm Gulo diyar kir ku ji demên berê de hestên welatparêziyê pêre hebû û Apê Yûsif kesekî zana û di siyastê de xwedî nêrînên kûr bû. Ew kesayeteke bîrwer û serkeftî bû,çiqasî zehmetî li pêşiya jiyana wî derketin holê jî, lê wî karê xwe her berdewam dikir. Apê Yûsif alîkarî bi her kesî re dikir û deriyê mala xwe ji her kesî re vedikir.
Ibrahîm Gulo diyar kir ku Apê Yûsif di demên berê de weke her kesayetekî û welatiyekî ji Rojava karê çandiniyê dikir û hemû karê jiyanî didameşandin û wiha got:“Heta dema ku Tevgera rizgariya azadiya Kurdistanê dest pêkir, dema ku artêşa Tirk û Gerîla şer di navber wan de çêbû û Gerîla şerê gelê şoreşgerî da destpêkirin. Bi derbeya leşkerî ya ku li tirkiyê rûda êdî pevçûn û şerê di navbera artêş Tirk û Gerîla de kete qonaxeke nû û dest bi şerê çekdarî hate kirin û gelek kadroyên PKK’ê derketin derveyî welat. Apê Yûsif deriyê wî ji bo Gerîla û herkesayetekî welatparêz vekirîbû û ew pêşwazî dikirin,erkê welatparêziyê yê ku diket ser milê her kesayetekî kurd de wî jî ev yek pêktanî”.
Ibrahîm Gulo daxuyakirin ku di 1984`an de biryara şerê çekdarî hate dayîn û gelek xort û keç ji malbatê tevlî şoreşê bûn. Ji hefit salî heyanî heftî salî her kes tevlî şoreşê bû. Yûsif Gulo li hemberî hemû astengî û zehmetiyan liberxweda û teslîm nebû. Herweha dema ku hate girtin jî di zindanê de jî teslîm nebû û dema ku ji zindanê derket bawerî û hêviya wî xurtir bû. Hevalên wî pir bûn ne ew tenê bû, bi sedan mîna wî mil bi mil tekoşîn dikirin. Dema ku şoreşa PKK’ê belavbû, herkesî xwest ku zarokên wan jî tevlî bibin, ji bo na ku ew jî keda xwe tevlî şoreşê bikin û erkê xwe yê welatparêziyê pêkbînin.
Ibrahîm Gulo di dawiya axatina xwe de got: ku Apê Yûsif temenê xwe hemû da kar û xebata siyasî û jiyana xwe têr û tijî derbaskir û her armanca wî xizmeta gel bû û canê xwe jî fedayî gelê xwe kir.
Ibrahîm Gulo got: “Em doza wî bernadin û em ê, her li ser şopa wî bin û her tim ji bona azadiya gelê Kurd têbikoşin