Piştî erdheja ku îsal de hatiye rûdan û di encam de zirarên mezin hatin qewmandin. Heyva Sor ya Kurdî û kampaniyaya “Hewxa Metanîn” di dîroka 1 ê Tebaxê de dest bi pirojeya girtina 130 yekîneyên xaniyan kirine.
Zana Roj/ Şehba
Di 6’ê Sibata 2023’an li Bakurê Kurdistanê û Tirkiyê her wiha li herêmên Bakur û Rojhilatê Sûriyê erdhejeke bi hêza 7.8 rêxter rû da. Wê erdhejê bi xwe re gelek zirarên madî û giyanî anîn. Di nava bobelata erdhejê de bajarê Helebê jî pareke wê ya mezin hebû. Weke ku tê zanîn berê her du taxên Şêx Meqsud û Eşrefiyê di şerekî gelek giran re derbas bû û piraniya wê Koçberên Efrînê lê jiyan dikin, bi erdhejê re gelek avahiyên din jî li herdû taxan rûxiyan. Piştî erdhejê Rêveberiya Xweser li herêma Şehbayê banga tavahî gelên derdor û Helebê kir ku berê xwe bidin Şehbayê.
Pirojeya avakirina xaniyan
ku xaniyên wan zirar dîtine yan hilweşiyane, pirojeya avakirina xaniyan e. Ev piroje ji aliyê Heyva Sor a Kurd û kampanyaya ‘Hewxa Metîn’ ya Başûrê Kurdistanê di dîroka 1 ê Tebaxê de li herêma Şehbayê hat destpêkirin.
Ev piroje ji 130 yekîneyên xaniyan pêk tê. Her wiha weke ku heyva Sor a Kurdî diyar kiriye ku wê li sê deveran were avakirin. Piroje yekemîn car li navçeya Babinês bi avakirina 50 xanî hat destpêkirin. Her wiha wê li Til Qirah 50 xanî û li Til Susên 30 xanî bên avakirin. Her wiha her yekîneyek ji 2 xurfeyan, xweringeh û xweşûştinê pêk tê.
Li navçeya Babinês piroje ber bi dawîbûnê ve diçe, xanî hatine avakirin û wê demek nêz de malbatên ku malên wan hatine hilweşandin beriya zivistanê tê de bi cih bibin. Her wiha Heyva Sor tekez kir ku wê dema piroje bi dawî bibin wê radestî Rêveberiya herêmê bibin.
Hêjayî bîrxistinê ye ku Heyva Sor a Kurdî di Erdheja ku hatiye rûdan de bi gelê herêmê re di asta herî jor de bû alîkar û pirojeyên wan yên weke kolandina bîran ji bo peydakirina avê ji gel re berdewam dike.
