Ji destpêka ku Pêşangeha Şehîd Herekol hatiye lidarxistin pirtûkên Rêber Apo têde têne pêşandan.
Ronaz Silêman/Qamişlo
Ji dema ku pêşangeha Ş.Herekol hatiye lidarxistin, salane pirtûkên Rêber Apo têde tên pêşandan. Armaca pêşkêşkirina pirtûkên Rêbertî di pêşangeha Ş.Herekol de ew e, ku fikir, felsefe û remanê Rêber Apo li her derî belavbibe û herkes sûdê jê bigre.
Derbarê pirtûkên Rêber Apo yên ku di pêşangehê de hatine pêşandan û giringiya vê yekê, endamê Akademiya Civaka Demokratîk Husam El Ehmed ji rojnama me re axivî.
Husam El Ehmed diyar kir ku Akademiya Civaka Demokratîk ji destpêka ku Pêşangeha Şehîd Herekol hatiye dest pêkirin û heta niha cihê xwe di pêşangehê de girtiye û wiha got: “Akademiya Civaka Demokratîk bi riya pirtûkên Rêber Apo fikirên azadiyê belav dike. Pirtûkên Rêber Apo bi zimanên Tirkî, Erebî û kurdî û gelek zimanên din jî hatine wergerandin û armanca sereke ji belavkirina fikir û felsefeya Rêber Apo ew e ku pirojeya Netewa Demokratîk were naskirin. Di pêşangeha Şehîd Herekol de me gelek pirtûkên Rêber Apo dane pêşandan û bi taybet jî hemû beşên parêznameyên Rêberî yên bi zimanê kurdî û Erbîn.
Di heman demê de pirtûkên Rêber Apo ên girêdayê Jin, Jiyan û girêdayî Netewa Demokratîk û Şerê Gelê Şoreşerî jî hatin pêşandan û belavkirin. Pirtûkêk girêdayî Rêbertî yên bi navê Azadiya min û azadiya te û pirtûka parastina gel jî hatin pêşandan. Pirtûkên Rêber Apo di pêşangehê de girîngiyeke xwe ya taybet û rastî alaqeyeke mezin ji milê kesên ku derbasî pêşangehê dibûn hebû. Ji ber bi saya remanê Rêber Apo hizrên Netewa Demokratîk û wekheviya gelan hate pêkanîn û belavkirin.”