Navenda Nûçeyan
Proseya veguhestina çekdarên partiyên opozîsyona Rojhilatê Kurdistanê yên Îranê ji xaka Herêma Kurdistanê bi dawî bû û heta niha 9 hezar endam û malbatên wan 80 kîlometre dûrî sînorên navneteweyî yên Iraqê-Îranê hatine dûrxistin. Herwiha Îran daxwaza radestkirina 38 pêşengên partiyên Rojhilatê Kurdistanê dike.
Çavkaniyên ewlekariya niştimanî ya Iraqê ragihandin, heta niha 9 hezar endamên hêzên opozîsyona Îranê (partiyên Kurd yên Rojhilatê Kurdistanê) û malbatên wan bo deverên dûrî sînor hatine veguhestin.Hevdem li gel radestkirina çekan, biryare şandeke leşkerî ya Îranê ji bo cîbicîkirina yek ji xalên rêkeftina ewlehiyê ya di navbera herdû welatan de, serdana sînor bike.
Li gorî çavkaniyek ji ewlekariya Nîştimanî ya Iraqê ji rojnameya Qeterî Al-Arabiye El-Jadeed (El-Erebiye El Cidîd) re ragihandiye ku pêvajo berdewame û ji bo ku xwe ji senaryoyeke leşkerî ku qezenca tu aliyan têde nîne dûr bigirin, komên opozisyona Kurd jî nêzîkatiyeke erênî nîşanî Bexda didin.
Wî got ku Tehranê bi fermî daxwaza radestkirina 38 pêşengên (serkirde) van partiyan kiriye, lê Iraq red dike ku cihê endamên komên opozîsyonê û malbatên wan eşkere bike û radestî Îranê bike.
Derbarê proseya bêçek kirina hêzên partiyên Rojhilatê Kurdistanê de jî çavkaniyê eşkere kir ku cîhên guncaw û ewle li deverê hatine dabînkirin û got; “Bi dûriya ne kêmtir ji 80 kîlometran, li ser sînorê navdewletî yê Iraqê li gel Îranê û proseya bicihkirina wan jî bi amadebûna nûnerên Neteweyên Yekbûyî pêk hatiye û rasterast beşdarî lihevkirina ewlehiyê bûye. Ev jî ji bo parastina serweriya Iraqê û nehiştina her cûre tevgereke leşkerî ya Îranê li hindirê Iraqê hatiye îmzekirin.
Biryare şandeke leşkerî ya Îranê bi awayekî fermî serdana sînoran bike. Armanc ji serdanê ew e ku hemû baregehên partiyên Kurdên Rojhilatê Kurdistanê werin veguheztin. Ji bo cîbicîkirina bendên din yên peymanê, ji ber ku veguheztina baregehên hêzên Rojhilat tenê bendek ji lihevkirina Iraq û Îranê ye.
Nuqteya nakok a di navbera Bexda û Tehranê de li ser lihevkirinê daxwaza radestkirina kesên daxwazkirî yên ji aliyê Îranê ve ye ku li ser Bexda ferz dike ku hejmarek ji kesayetiyên navdar û pêşeng yên partiyên Rojhilatê Kurdistanî ye. Lê Iraq heta niha tu bersiveke erênî ji bo radestkirina van kesên ji aliyê Îranê ve tên daxwazkirin, nedaye Tehranê.
