Yekîtiya Rewşenbîran beşdarbûna dewleta Tirk di civînên Neteweyên Yekbûyî de şermezar kir
Birûc Resûl/ Qamişlo
Yekîtiya Rewşenbîr, Nivîskar û Komeleyên Çandî û Wêjeyî li Bakur û Rojhilatê Sûriyê bi daxuyaniyekê beşdarbûna dewleta Tirk a dagirker di civînên giştî yên Neteweyên Yekbûyî de şermezar kirin.
Yekîtiya Nivîskarên Kurd li Sûriyê, Yekîtiya Giştî ya Nivîskar û Rojnamevanên Kurd li Sûriyê, Yekîtiya Rewşenbîran li Herêma Cezîrê, Komela Rojavayê Kurdistan a Çand û Wêjeya Kurdî, Mala çandê û Yekîtiya Jinên Ermenî ji bo raya giştî daxuyaniyek dan, daxuyanî li ber deriyê navenda Neteweyên Yekbûyî ya li Kolana El-Siyahî ya Qamişlo hat xwendin.
Di daxuyaniyê de wiha hat gotin: “Îro heftê û heştemîn civîna Netewên Yekbûyî bi rêya komeleya wê ya Giştî li NewYork a Amerîkayê birêve diçe û komeleya Giştî bi beşdariya dewleta Tirk, herwiha di civînên xwe yên derbarê mijarên tendirustî, nexweşî û bobelatên ku li seranserê cîhanê de hene , dê berdewam bike. Em weke nûnerên yekîtî yên wêjeyî û komeleyên çandî yên ku di warê wêje û çandê de çalakin û li Rojava û Bakur û Rojhilatê Sûriyê kar dikin, em îro ji bo nerazîbûn û redkirina xwe ji beşdarbûna rejîma Tirkîyê ya di xebatên Civînên komela Giştî ya Netewên Yekbûyî de nîşan bidin li ber baregeha Komîseriya Bilind a Neteweyên Yekbûyî ya li Qamişloyê radiwestin, ji ber xetereya ku dewleta Tirk afirandiye û tundiya ku pêk aniye, bi sedema birdewamiya destêwerdana wê di karûbarên welat yên navxweyî de, dagirkirina herêmên berfireh ên Bakurê Sûriyê û rûbirûkirina jiyana sivîlan bi metirsiyên cuda cuda re , ( kuştin , êşkence, binçavkirin ,koçberkirn ) , bikaranîna çekên ku di asta navnetewî de qedexene , rûbirûkirina sivîlan bi kuştin û seqetkirinê re û bi taybetî zarokan, bi sed hezaran ji xelkên xwecihî neçarî koçberiyê kiriye , û ava vexwarinê ji bo zêdetirî milyonek kesî re biriye ji dema ku Serê kaniyê dagirkiriye , ku çavkaniyên avê desteser kiriye ,û meheta (stasyon) ELOK ya berdana avê Kontrol kiriye , her wiha tevlêkirina ava karîzan di nav ava çemên li ser sînorê Sûriyê de ku dibe sedema belvbûna nexweşî û pir belayan mîna ( kolêra, laşmaniya û navçûna zarokan ) û neçarkirina niştecihan ku ava ji vexwarinê re nabe ji bo karûbarên male re bikşînin , her wiha desteserkirina tirkîyê ji doseya avê re û bi karanîna wê weke çekekî li himber vîna gelên di deverê û bêkhateyên wê ve , bandoreke mezin li ser xwezayê bi giştî kiriye û bi taybet di qada çandinî û xwedîkirina sewalan de ku aboriya civakî bi giştî tehdîd dike.”
Di daxuyaniyê de bal hat kişandin ser êrîşên dewleta Tirk a dagirker yên bi balafirên bêmirov û wiha hat gotin: “Berdewamiya dagerkeriya Tirkiyê ji deverên bakurê Sûriyê re binpêkirineke ji serweriyê re , çimkî ew dagerkeriyê dike û bikaranîna balefirên bê mirov di hedefgiritina sifîlan de metersiyeke cidî li ser jin , zarok û kalan çê dike. Lewra Berpirsiyariya civaka navdewletî ye ku bi awayekî cidî daxwazê ji Tirkiyê bike ku hêzên xwe yên leşkerî ji Sûriyê vekişîne, û zextê li ser wê bike ku êrişî serweriya axa me neke, û xwespar nebe ji buhaneyên tirkîyê ve yên girêdayî ewlehiya netewî , ji ber ku ewe yê ku êriş dike. dikuje, û dagir dike, binpêkirina peymana Neteweyên Yekbûyî û Peymana Cinêvê li ser nehiştina destdirêjiya dewletekê li dijî dewleteke din û dagirkirina axa wê dike . Dewleta Tirk xalên 1, 2 û 3 yên Peymana Netewên Yekbûyî ku hemû welatan mecbûr dike ku rêzê li serweriya welatên din bigire binpê dike, û dubarekirina tirkîyê ji gefên xwe re ne tenê li ser Bakurê Sûriyê ye, her wiha li ser herêmên curbecure bi buhaneya têkoşîna li himber terorê , di dema ku ewe yê ku terora dewletê pêk tîne û piştgiriya teroristan dike.”
Di dawiya daxuyaniyê de bang li civaka navneteweyî û komela Giştî ya Neteweyên Yekbûyî hat kirin û daxuyanî wiha bi dawî bû: “Em bang li Neteweyên Yekbûyî dikin ku rola xwe bi cih bîne û daxwazê ji Tirkiyê bike ku ji herêmên dagirkirî vekişe, rê li ber êrîşên leşkerî li dijî bajar û gundên ewle bigire û rê nede tirkîyê ku basa mijarên tenduristiyê û nehiştina karesat û nexweşiyan bike ji ber ku mezintirîn depoya avê û hejmara herî zêde ya bendavan li ba wî heye, û rêjeyeke mezin a avê vedihewîne. Careke din û cara sêyem jî em dengê xwe bilind dikin û beşdarbûna tirkîyê di civînên komela Giştî ya Netewên Yekbûyî de şermezar û bi tundî red dikin û em bang li welatên endamên Netewên yekbûyî, Encumena Ewlekariyê û Rêxistina Mafên Mirovan a Navneteweyî dikin ji bo ku zextê li Tirkîyê bikin , wê teşhîr bikin û binpêkirinên wê yên li dijî gel, erd û daran eşkere û zelal bikin.”