Duyemîn Konferansa Kongreya Star a Heleb bi biryaran û hilbijartina meclîsa nû ya kongrê bi dawî bû.
Duyemîn Konferansa Kongreya Star a bajarê Helebê bi dirûşma “Bi rihê Berxwedana Serdemê em ê Şoreşa Jinan bikin şoreşa civakî” bi beşdarbûna 350 delegeyan û nûnerên partiyên Sûriya Pêşerojê, PYD’ê, Meclisa Sûriya Demokratîk, Hevgirtina Niştimanî ya Demokratîk, YPG, YPJ, Asayîşa Jin û şandeyek ji herêma Şehbayê hat lidarxistin.
Di konferansê de, Rêvebera TEV-DEM’ê ya taxa Şêxmeqsûd a Helebê Fehîma Silêman axivî û anî ziman ku Kongreya Star di salên dawî de di her aliyan de gavên girîng avêtin û got, “Li gel serkeftinan jî kêmasî di aliyê rêxistinbûyînê de derketin, sedemên kêmasiyan jî mercên ku tax têre derbas bû ye. Em bi hêvî ne ku kêmasî dîsa dernekevin.”
Fehîma tekez kir ku di şerê li taxê rû da de, jin û dayikan rola pêşeng lîstin û di eniyên pêş de li ber xwe didan, bê westandin efsanên qehremaniyê xêz kirin.
Piştî xwendina rapora salane ya xebatên kongreyê nirxandin hatin kirin, li ser derbaskirina kêmasiyan nîqaş hatin kirin.Piştî nîqaşan bi erêkirina hemû endamên kongreyê rêze biryar hatin girtin. Di Konferansê de, Hêvîn Silêman, Nehla Mustefa, Fatima Hesen û Sîham Bîlal wekî endamên Koordînasyona Kongreya Star a Helebê hatin hilbijartinAxaftina dawî ya konferansê ji aliyê endama Kongreya Star Zelal Xebat ve hate kirin. Zelal Xebat, konferans li jinên Bakurê Sûriyê û Rojhilata Navîn pîroz kir û têkoşîna jina azad a rêxistinkirî silav kir û tekez kir ku li Rojava wê xeta Neteweya Demokratîk bişopîne û ji bo jiyaneke azad û bi rûmet têdikoşe.
Konferans bi dirûşemyên “Jin, Jiyan, Azadî û Bê serok jiyan nabe” bi dawî bû.
Konferansa Kongreya Star a Heleb hat lidarxistin
