Koma Şanoyê ya Hêvî-Yekta ku ji Wargeha Mexmûr hatiye rojava, tûra şanoyên xwe berdewam dike. Piştî li Qamişlo û Kobanê vê carê jî li ser dika navenda Çand û Hunerê ya Aram Tîgiran a bajaroka Rimêlan şanoya “Lêgerîna Heqîqetê” hate pêşkêşkirin.
Koma Şehîd Hêvî-Yekta ya ku ji Wargeha Mexmûrê hatiye Rojava, şanoya xwe ya “Lêgerîna Heqîqetê” vê care li ser dika Çand û Hunerê ya Aram Tîgiran a bajaroka Rimêlan pêşkêş kir.
Koma Şanoyê ya Hêvî-Yekta ku ji Wargeha Mexmûr hatiye rojava, tûra şanoyên xwe berdewam dike. Piştî li navenda Çand û Hunerê ya Mihemed Şêxo ya bajarê Qamişlo û Baqî Xido ya Kobanê şanoyên xwe pêşkêş kirin vê carê jî li ser dika navenda Çand û Hunerê ya Aram Tîgiran a bajaroka Rimêlan şanoya “Lêgerîna Heqîqetê” hate pêşkêşkirin.
Bi sedan şêniyan ji bo temaşekirina şanoyê berê xwe dane navendê.
Rêveberê Koma Azad Tekîn bixêrhatina beşdaran kir û got, “Naveroka şanoyê peyameke ji bo gelê Kurd e, tê de behsa polîtîkayên asîmîlekirina çanda kurdî tê kirin.”
Piştî axaftinê, şano hate pêşkêşkirin. Naveroka şanoya “Lêgerîna Heqîqetê” li ser gundek Bakurê Kurdistanê ku di bin polîtîkayên dewleta Tirk a dagirker de tê asîmîlekirin û bi rêya çeteyên olî tê parçekirin dike mijara xwe. Ciwanê bi navê Xwezan piştî demekê ku beriya çend salan malbata wî ji bo Elewî bûne ji aliyê dewletê ve hatî derxistin dizivire gundê xwe. Xwezan bi gelê gund re sîxurê bi navê Mele Qasim tespit dikin û ji gund diqewitînin.
Piştî ku şano bi dawî bû gel bi durûşme û çepikan spasiya xwe pêşkêşî komê kirin.
