Kongreya 3’yan a Meclîsa Sûriya Demokratîk (MSD) ya li Tebqayê bi dawî bû.
Kongreya Meclîsa Sûriya Demokratîk (MSD) cara sêyem Duşemê li Tebqayê bi tevlêbûna 270 delegeyî pêk hat.
Encamnameya kongreyê wiha ye:
“Meclîsa Sûriya Demokratîk (MSD) di dîroka 16’ê Tîrmeha 2018’an de li bajarê Tebqaya ji desthilatdarî û çeteyan re rizgarkirî bi dirûşemeya ” Ber bi çareseriya siyasî û avakirina Sûriyeya Demokratîk a ne navendî ve” û bi beşdarbûna derdora nêzî 300 delegeyî û mêvanên ji nûnerên hêz, partî û deste û rêxistinên rêveberiyên xweser û ên sivîl, QSD, kesayatên niştimanî yên opozisyona derve û ya hundurîn hate lidarxistin.
Bi dehan peyamên pîrozbahiyê ji aliyê partî û hêzên Kurdî, Erebî, kesayetên civakî ve hatin şandin. Di hemû peyaman de piştgiriya kongrê hate kirin û têkoşîna wê ya di vê pêjvajoya ku Sûriyê û Rojhilata Navîn û cîhan tê re derbas dibe hate silavkirin.
Di vê pêvajoya berdest de pêdivî bi nerîneke demokratîk û rêxistinî û bi berpirsyariyê heye. Her wiha divê mirov ji nêzîkatiyên berjewendiyên partiyan jî dûr raweste. Li ser vê Meclîsa Sûriya Demokratîk bandê rêveberiya xweser û meclîsên sivîl, banê Hêzên Sûriya Demokratîk e. Beşdaran diyar kirine ku çareseriya siyasî û diyalog rêya xilasbûna ji krîzê ye.
Piştî axaftina destpêkê ku ji aliyê Hevseroka Meclîsê ve hate kirin, hin mêvan jî axaftin kirin, her wiha peyamên pîrozbahiyê hatin xwendin. Kongrê bi xwendin û nirxandinên xebatên meclîsê, her wiha xwendina raporên buroyên wê, rêzikanmeya meclîsê û guhertina wê dewam kir.
Her wiha mekanîzmeya Meclîsên hate guhertin. Li gorî wê tekezî li ser ku doza niştimanî bingeha çareserkirina dozên civakî ye, di nav de dozên girêdayî mafê pêkhateyan hate kirin.
Beşdaran damezirandina Meclîsa Sûriya Demokratîk nirxandin û wekî gaveke ber bi çareseriya aloziyê Sûriyeyê ve destnîşan kir û dibînin ku nêrîna wê ya ji bo çareserkirina kirîzên Rojhilata Navîn ya herî rast e û Damezirandina projeya Sûriya demokratîk hêviyên hemû pêkhateyên Sûriyê, ji Kurd, Ereb, Suryan, Asur, Tirkumen û hwd pêk tîne.
Kongre gelek biryar girtin û hin xalên rêziknameyê guhertin. Dîsa jî tekezî li ser dewamkirina xeta stratejîk li gorî mekanîzmaya sazbûnê, nirxên biratiya gelan di navbera hemû pêkhateyan û yekîtiya çarenûsa gel dike.
Beşdaran her wiha, diyar kirin ku ew ê bi hemû rêbazan dagirkeriya Tirkiyê li Sûriyê têk bibin û hemû biryarên Konferansa Rizgarkirina Efrînê ya li Şehbayê hate lidarxistin, pêk bînin û bi hemû saziyên niştimanî, herêmî, cîhanê ji bo vegera gelê Efrînê bixebitin.
Beşdaran di dawiyê de Emîna Umer û Riyad Derar wekî hevserokên meclîsê hilbijartin û Îlham Ehmed jî wekî Seroka Desteya Rêveber a meclîsê hilbijartin. Her wiha 41 endamên meclîsa serokatî ya meclîsê, di nav de 20 jin hatin hilbijartin. Endamên desteyê jî di civîna yekemîn de werin hilbijartin. Endaman soz da ku ew ê xeta şehîdên azadî û demokrasiyê bişopînin û ji bo avakirina pergaheke ne navendî û demokratîk li Sûriyê bixebitin.”
