Di çarçoveya rêzeçalakiyên Mîhrîcana Duyemîn a 19’ê Tîrmehê de şevbêrkeke stranan hate lidarxistin.
Gelê Kobanê bi nêzikbûna 19’ê Tîrmehê, salvegera Şoreşa Rojava, rêzeçlakî dane destpêkirin.
Di çarçoveya rêzeçlakiyên Duyemîn Mîhrîcana 19’ê Tîrmehê de şevbêrkeke stranan li parka 19’ê Tîrmehê ji aliyê Navenda Çand û Hunerê ya Baqî Xidove hate lidarxistin.
Cihê çalakiyê bi pankartên “Şoreşa 19’ê Tîrmehê rêgezên şovenîzma partiya Baasê şikand” hatibûn xemlandin.
Bi sedan şêniyên kantonê, hevserokê Partiya Yekîtiya Demokratîk (PYD) Şahoz Hesen, Serokê Desteya Têkiliyên Derve ya Kantona Cizîrê Ebdulkerîm Omer û Hevserokê Meclîsa Rêveber a Kantona Kobanê Enwer Muslim amade bûn.
Di çalakiyê de endamên Çand û Hunerê stranên gelêrî û şoreşgerî pêşkeş kirin.
Her wiha helbestên Kurdî yên dîrokî hatin xwendin…ANHA
Mîhrîcan bi şevbêrkê rengîn bû
