Koma Şanoyê ya Wargeha Mexmûr, tûra şano li Rojavayê Kurdistanê berdewam dike. Endama Komê Nûdem Yeman diyar kir ku ew ji jiyana Netewa Demokratîk bandor bûn, wê hevalên wan perwerdeya şano bibînin.
Di 6’ê mehê de Koma Şano ya Hêvî û Yekta ku ji 15 ciwanên Wargeha Şehîd Rustem Cûdî (Mexmûr) pêk tê derbasî Rojavayê Kurdistanê bûn. Armanca komê li Rojavayê Kurdistanê şanoyan pêşkêş bikin. Komê hetanî niha li Kobanê û Dirbesiyê şano ya bi navê “Lêgerîna Heqîqetê” peşkeş kiriye û wê li gorî derfetan li bajarên din jî şanoyê pêşkêş bikin.
Koma Hêvî û Yekta li bajarê Qamişlo, Navenda Çand û Hunerê ya Mihemed Şêxo şano pêşkêş kir. Naveroka şanoya “Lêgerîna Heqîqetê” li ser gundek Bakurê Kurdistanê ku di bin polîtîkayên dewleta Tirk a dagirker de tê helandin û bi rêya çeteyên olî tê parçekirin dike mijara xwe.
Ji endamên komê Nûdem Yeman diyar kir ku wan xwest çanda ku li Mexmûr fêrbûyîn bigihînin Rojavayê Kurdistanê û got: “Şoreşa Rojava hest da me. Em dizanin gelê Rojava pir êş kişandine, hema saetek be jî em dixwazin dilê dayîkan geş bikin.”
Yeman anî ziman ku tişta herî bala wan kişandî perwerde û jiyana Netewa Demokratîk a li Rojava bû.
Koma Mexmûrê li Rojava şanoyan pêşkêş dike
