Bomebarana hewayî li ser herêma sêgoşeya mirinê didome. Hêzên rêjîmê bajarokê El-Hîta û Zemrîn xistin bin serweriya xwe. Her wiha beşa yekem ji koçberên Der’a yê gihiştin keleha El-Medîqa ku wê ji wê derê berê xwe bidin bakurê Sûriyê.
Li gorî Navenda Çavdêriya Mafên Mirovan a Sûriyê li herêma sêgoşeya mirinê topbarana hewayî û êrîşên bi fuzeyan didomin. Balafirên şer ji şeva Yekşemê ve bi qazanên teqemenî êrîşî bajarokên Eqreba, El-Mal, Tel El-Mal û Tel El-Hara yên bakurê rojavayê parêzgeha Der’a yê dikin.
Her wiha şer û pevçûn di navbera komên çekdar û hêzên rêjîmê de li derdora bajarokê El-Teyha didomin.
Hêzên rêjîmê bajarokê El-Teyha xistin bin serwriya xwe. Niha jî li derdora bajarokê El-Mal şer û pevçûn hene. Hêzên rêjîmê bajarokê Zemrîn ê dikeve herêma sêgoşeya mirinê û her wiha aliyê bakurê rojavayê Der’a yê xistin bin serwriya xwe.
Li gorî navendê roja Yekşemê beşa yekem ji koçberên Der’a yê û gundewarên wê gihiştin keleha El-Medîq a bakurê rojavayê Hemayê. Li wê derê guhertin tê kirin da ku ji wê derê berê xwe bidin bakurê Sûriyê.
Bomberana hêzên rêjîmê dewam dike
