Endama Desteya Niştimanî ya Ereb Hiweyda El-Nedas tecrîda li ser Rêberê Gelê Kurd Abdullah Ocalan şermezar kir û got, “Em weke jinên ji neteweya Ereb bi alikariya Rêveberiya xweser îro gihiştin vê astê. Jin îro bi saya Ocalan bi roleke mezin radibin. Em ê heta dawiyê li ser rêya Ocalan bimeşin.”
Endama Desteya Niştimanî ya Ereb Hiweyda El-Nedas tecrîda li ser Rêberê Gelê Kurd Abdullah Ocalan şermezar kir û bang li hemû dewletên navneteweyî kir ku rewşa Rêberê Gelê Kurd Ocalan a tendirustî bişopînin û agahiyekê bidin raya giştî.
Endama Desteya Nîştîmanî ya Ereb Hiweyda El-Nedas di destpêka axaftina xwe de wiha got: “Ev nêzî çend salane ku dewleta tirk tecrîda li ser Rêberê Rêberê Gelê Kurd Abdullah Ocalan dimeşîne û nahêle ku malbat û parêzerên wî biçin serdana wî. Heta ku agahiyên derbarê Ocalan de jî tên veşartin û nahêle ku gel fikir û felsefeya wî nas bikin.”
Hiweyda, El-Nedas Endama Desteya Nîştîmanî ya Ereb a beşa Tendirustiyê wiha got: “Em weke jinên ji neteweya Ereb bi alikariya Rêveberiya xweser îro gîhan vê astê. Em tecrîda li ser Rêber Apo şermezar dikin û ez berxwedana Rêber Apo ya di zindanê de pîroz dikim. Ew berxwedana mezin ku li hemberî dewleta tirk pêş ket û bû mînaka serkeftina vîna azad ji me hemûyan re mînak e.”
Hiweyda wiha berdewam kir: “Gelek zehmetî û êrîş li ser Rêber Apo hene, lê belê gelê kurd li ser fikir û felsefeya Rêber Apo dimeşe. Rêber Apo dixwaze ku gelê wî azad be, ji ber vê yekê têkoşînê dide. Heta ku gelê kurd li ser riya Rêberê xwe bimeşe wê xwe ji qetlîam û komkujiyan rizgar bike.”
Hiweydayê diyar kir ku ew bang li hemû dewletên navneteweyî dike ku rewşa Abdullah Ocalan a tendirustiya wî diyar bibe û ji gelê wî re bê ragihandin û wiha dawî li axaftina xwe anî: “Em ê soz bidin ku em ê li ser riya rêber Apo ku daye pêşiya me berdewam bikin û bimeşin. Bi riya fikir û felsefeya Rêber Apo rêvebertiya xweser hat îlankirin jinan di rêveberiya xweser de cihê xwe girtin û rolek mezin dilîzin.”…JINNEWS
