19’ê Tîrmehê bû asoyeke nû

Buroya Partiya Demokratîk a Kurd li Sûriyê bi dirûşmeya “Şoreşa 19’ê Tîrmehê asoyeke nû li pêş gelê me vekir” semînerek da.
Partiya Demokratîk a Kurd li Sûriyê (P.D.K.S) bi nêzîkbûna salvegera Şoreşa 19’ê Tîrmehê, li bajaroka Pêndir a Kobanê semînereke organîze kir.
Semîner li dibistanekê bi amadebûna bi dehan kesî hate dayîn.
Semîner ji aliyê endamên Komîteya Navendî ya partiyê Nîhad Ehmed û Mustefa Ebdî ve hate dayîn.
Endamê Komîteya Navendî ya Partiya Demokratîk a Kurd li Sûriyê Mustefa Ebdî girîngiya roja 19’ê Tîrmehê şîrove kir û got, “Em salavgera Şoreşa 19’ê Tîrmehê pêşwazî dikin û pîroz dikin. Di wê rojê de çirûska şoreşê ji Kobanê de dest pê kir û li Rojava belav bû û bi îlankirina Rêveberiya Xweser bi encam bû.”
Ebdî got, “ Şoreşa 19’ê Tîrmehê bû tîrêj û şewqa xwe da jiyanê.”
Nîhad Ehmed jî anî ziman ku bi şoreşa 19’ê Tîrmehê gelek gav hatin avêtin û wiha got,” Ew şoreşa ji bo me bû weke lingekî ku em li ser disekinin, 19’ ê Tîrmehê bû bingeha rêxistinbûyînê û avakirina civakeke demokratîk.”