Fermandariya Meclîsa Leşkerî ya Minbicê ragihand, koma şêwirmend a dawî ya YPG’ê ya li Minbicê peywira xwe temam kiriye û roja 15’ê Tîrmehê bi temamî ji Minbicê vekişiyaye. Meclîsa Leşkerî ji bo piştgiriya wan spasiya YPG’ê û Koalîsyona Navdewletî kir.
Fermandariya Meclîsa Leşkerî ya Minbicê ragihand, koma şêwirmend a dawî ya YPG’ê ya li Minbicê peywira xwe temam kiriye û bi temamî ji Minbicê vekişiyaye.
Fermandariya Giştî ya Meclîsa Leşkerî ya Minbicê derbarê mijarê de daxuyanî da.
Di daxuyaniyê de ev tişt hatin gotin, “Meclîsa Leşkerî ya Minbicê radighîne ku beşa dawî ya şêwirmendên leşkerî yên YPG’ê piştî ku erka xwe ya perwerdekirina şervanan bi hevkariya koalîsyonê qedandin 15’ê Tîrmeha 2018’an ji Minbicê vekişiyan.
Piştî ku Meclîsa Leşkerî ya Minbicê di 4’ê Nîsana 2016’an de hate damezirandin û ji bo amadekariyên Pêngava Rizgarkirina Minbic û gundewarên wê ku di 1’ê Hezîrana 2016’an de destpê kir destek ji Yekîneyên Parastina Gel û Koalîsyona navdewletî xwest.
Meclîsa Leşkerî ya Minbicê û YPG’ê bi hevakariya Koalîsyona Navdewletî di 15’ê Tebaxa 2016’an de bajar rizgar kirin, piştî ku aramî li herêmê pêk hat, bi hezaran şênî vegeriyan bajarê xwe.
Di dîroka 16’ê Mijdara 2016’an de, wekî Meclîsa Leşkerî ya Minbicê û rêveberiya ewlehî û leşkerî ya Minbicê girt. YPG’ jî bi daxuyaniyeke fermî û merasîmeke leşkerî ji bajêr vekişiyaye. Lê me karê xwe yê avakirina saziyên û rêxistinkirina mekanîzmeya parastina bajar berdewam kir, me xwest ku komeke şêwirmendên leşkerî yên YPG’ê li Minbic bimînin da ku bi hevkariya Koalîsyona Navdewletî desteka perwerdekirina şervanên meclîsê bide. Piştî du salan meclîsê dît ku êdî ew dikarin bi xwe perwerdeyên xwe dewam bike. Li ser vê yekê û bi îtîfaqa YPG’ê beşek şêwirmendên leşkerî di 3’ê Hezîranê de vekişiyan, beşa dawî jî piştî ku karê xwe qedandin vekişiyan.Em wekî Meclîsa Leşkerî ya Minbicê, careke din spasiya YPG’ê û şêwirmendên leşkerî dikin ku piştgirî dane meclîsê. Her wiha em spasiya Hêzên Kaolîsyona Navdewletî dikin û berxwedana wan a rizgarkirina bajar ji terorê silav dikin.”
