Dewreya 25’emîn a Hêzên Ewlekariya Hundurîn a Reqayê ku 230 endam beşdar bûn, bi merasîmekê bi dawî bû.
Rêveberên Hêzên Ewlekariya Hundirîn a bajarê Reqayê ku beşdarî merasîma bi dawîbûna dewrê bûn gotin, “Me piştî ewqas tehdîd, gelek astengî derbaskir û teror tune kir.”
Rêveberên Hêzên Ewlekariya Hundurîn a bajarê Reqayê di merasîma bi dawîbûna dewreya şehîd Xalid El-Hemûd a endamên Hêzên Ewlekariya Hundirîn de axivîn.
Hêzên Ewlekariya Hundirîn xebatên xwe berfireh dike.
Merasîma dewreya 25’emîn a Hêzên Ewlekariya Hundirîn, bi tevlîbûna 230 endaman pêk hat.
Dewre, bi navê şehîd Xalid Hemûd li Akademiya şehîd Idrîs a navçeya Eyn Îsa ya Kantona Girê Spî hate lidarxistin.
Dewreyê 10 rojan dewam kir. Endam li ser waneyên bîrdozî û leşkerî hatin perwerdekirin.
Di merasîmê de Rêveberê Ewlekariya Hundirîn a bajarê Tebqayê Îmad Hisên û Rêvebera Hêzên Ewlekariya Hundirîn a Reqayê Xelye Hemûd axivîn û behsa xebatên parastina sivîlan ya din êrîş û tehdîdan de, kirin.
Herdû rêveberan wiha gotin: “Me di Hêzên Ewlekariya Hundirîn de piştî ewqas sal gelek astengî û zehmetî derbaskirin û me teror bi hemû şêweyên wê li herêmê tune kir.”
Hêzên Ewlekariya Hundirîn di 6’ê Hizîrana borî de gelek şaneyên terorê tune kir. Di 22’ê Hizîrana borî de jî piştî ragihandina rewşa awarte ji bo 5 rojan gelek şaneyên terorê bin çav kirin û gelek cebilxane desteser kirin.
Hêzên Ewlekariya Hundirîn li hember êrîş û tehdîtan soza parastina aramiya herêmê û sivîlan dan.
Piştî bi dawîbûna axaftinan endaman sond xwarin, paşê merasîm bi dawî bû.
Şehîd Xalid El-Hemûd yê ku dewre bi navê wî hate vekirin, ji şêniyên Reqayê ye û endamekî Hêzên Ewlekariya Hundirîn a bajêr bû. Dema bi erka xwe radibû li bajarokê El-Sehlebiyê yê gundewarên Reqayê di 9’ê Hezîrana derbasbûyî de şehîd bibû…ANHA
Ewlekariya hundurîn a Reqayê xurt dibe
