Navenda Ragihandin û Çapemeniyê ya HPG’ê têkildarî çalakiyên gerîla yên li Colemêrg, Wan, Şirnex, Sêrt, Qers, Bedlîs û Amedê daxuyaniyeke nivîskî weşand. HPG’ê ragihand ku di çalakiyan de 16 leşkerên Tirk hatine kuştin.
Navenda Ragihandin û Çapemeniyê ya HPG’ê ev agahî par ve kir;
Bi çarçoweya Pêngava Şoreşger a Şehîd Delal Amed û Şehîdên Bestayê hêzên me li dijî artêşa TC’ê ya dagirker çalakî kirin. Berfirehiya çalakiyê wiha ye;
14’ê Tîrmeê saet 04.30’An hêzên me li Şirnexê bi ser qereqola TRT Gabarê de girtin. Di çalakiyê de hêzên me ji du baskan ve li kozikan reşandin û 2 leşkerên dijmin di encamê de hatine kuştin.
14’ê Tîrmehê li Sêrt Berwarî, dema ku wesayiteke zirxî ya artêşa dagirker a TC’ê ber bi qada Çemê Karê ve diçû, hêzên me saet 11.15’an çalakiyeke sabotajê li ser kirine. Di vê çalakiyê de wesayiteke zirxî ya kobra hatiye rûxandin û 8 leşkerên dijmin hatine kuştin.
Ev pêlek e artêşa dagirker a TC’ê li Qers Qaxizmanê li qada Madûrê hewl dide ku yekîneyên veşartî bi cih bike. Bi çarçoweya Pêngava Şoreşger a Serfiraziyê hêzên me 13’ê Tîrmehê saet 21.30’an li dijî yekîneyeke xef ku dihate xwestin li qadê bi cih bibe çalakiyeke sabotajê kirin û di encama vê de 2 leşkerên dijmin hatine kuştin.
12’ê Tîrmehê artêşa TC’ê ya dagirker li Bedlîsê, li qada Şêx Cuma operasyonek dane destpêkirin. Heman rojê berê sibehê hêzên me yekîneyeke operasyonê kirin jêr kontrola xwe û çalakiyek li dijî wan kirin. Di çalakiyê de ji du baskan ve li yekîneyên dijmin hate reşandin û 4 leşker hatin kuştin. Operasyon heman rojê ber bi nîvro ve ji qadê vekişiya.
LI AMEDÊ 3 HEVALÊN ME ŞEHÎD BÛN
10’ê Tîrmehê artêşa TC’ê ya daigrker bi desteka amûra hewayî ya bêmirov li Qulpê ya Amedê li qada Şehîd Kawa operasyonek da destpêkirin. 11’ê Tîrmehê saet 01.30’ê balafiren şer û helîkoptêrê êrîşê qada yekîneyeke me ya li ser peywirê bombe kir. Di bombekirinê de 3 hevalên me şehîd bûn.
Posta çûyî
Posta tê