Girîngiya komînan roj bi roj hê zêdetir derdikeve holê û civak jî pêdiviyê bi avakirina komînên nû dibîne. Bi arambûna taxa Şêxmeqsûd ya Helebê gel li dora komînan xwe bi rêxistin dike. Bi vê armancê welatiyên taxa Şêxmeqsûd komîneke nû ava kirin.
Şêniyên taxa Xerbî ya Şêxmeqsûd a Helebê bi hejmarek zêde vedigerin taxê, ji ber vegera zêde ya welatiyan komînek nû li taxê bi navê şehîd Riyad El-Erneb hate avakirin.
Piştî aramiya herêmê gelek şênî vegeriyan taxa Şêxmeqsûd û hejmara niştecihên taxê zêde bûn. Bi armanca avakirina komînek nû ji taxa Xerbî re civîn ji şêniyan re hate li dar xistin.
Bi sedan şênî beşdarî civînê bûn.
Di civînê de Endamê Rêveber ê TEV-DEM’ê Sebrî Efrîn axivî û girîngî û armanca komînan anî ziman û wiha got: “Ji ber vegera şêniyan ji taxê re û zêde bûna hejmara wan pêwîstî bi avakirina k
omînek nû li taxê hebû.”
Sebrî Efrîn diyar kir ku ji bo pêşkeşkirina xizmetê ji şêniyan re û ji bo xurtkirina rêvebirina û rêxistinkirina komînê, hevserokên komîn û endamên wê bi riya hilbijartinên azad wê werin hilbijartin.
Di civînê de hilbijartina hevserokên komîna şehîd Riyad El-Erneb pêk hat.
Şêniyan Husam Reşîd û Elîfe Nezîr weke hevserokên komînê hilbijartin û endamên komîteyên (lihevanînê, perwerde, aborî, xizmetguzariyê, parastin û tendrûstiyê) hatin avakirin…ANHA 
