Çeteyên Artêşa Tirk a dagirker çend roj berê kalê bi navê Hemdî Ebdo revandibûn, dest û lingên wî jê kiribûn û paşê kuştibûn. Şêniyên gundê Beradê yê navçeya Şêrawa ya Efrînê cenazeyê Hemdî Ebdo dîtin.
Çeteyên bi navê Ketîbet El-Hemzat a girêdayî Istixbaratên Tirkiyê di roja 7’ê Tîrmehê de girtin ser mala kalepîrê 70 salî yê bi navê Hemdî Ebdo yê li gundê Beradê ya navçeya Şêrawa ya Efrînê. Hevjîna wî Sultana Xelîl Nasiro ya 70 salî qetil kirin. Hate gotin ku serçeteyê bi navê Ebû Elî Heyanî Sultana qetil kir. Paşê jî Hemdî revandin û birin cihekî ne diyar. Ji wê rojê ve Hemdî tu agahî ji Hemdiyê 70 salî ne hat girtin. Roja 13’ê mehê gundiyan cenazeyê Hemdî Ebdo di nava zeviyên gundê Beradê de dîtin.
Li gor ajansa ANHA’yê çavkaniyên ji gundê Beradê diyar kirin ku cenazeyê Hemdî Ebdo dest û lingên wî jê kirî hate dîtin.
Heman çavkaniyan diyar kirin ku çeteyan dema Hemdî Revandin 7 milyon lîreyên Sûriyê û 1 kîlo zêr, her wiha 10 çêlekên wan dizîn.
Hat ragihandin ku cenazeyê Hemdî Ebdo hîn li cihê xwe ye û çeteya rê nadin tu kes cenaze rake.
Pêşî dest û lingên wî jê kirin û paşê kuştin
