Şêwirmendekî lîderê olî yê Îranê Elî Xamaney got, eger Bexda û Şam bixwaze ew ê ‘şêwirmend’ên xwe yên leşkerî tavilê vekişînin.
Alî Ekber Welayetî li Moskovayê civîneke çapemeniyê li dar xist û ev îdîa kir: “Hebûna Îran û Rûsyayê li Sûriyê ew e ku welêt ji komên terorîst û êrîşên Amerîkayê biparêze.”
Welayetî got: “Ne bi zexta Amerîka ya jî Îsraîlê, eger hikumetên Iraq û Sûriye bixwazin em amade ne ku tavilê ji wan welatan vekişin.”
Serokwezîrê Îsraîlê Benyamîn Netanyahû roja Çarşemê ji Serokdewletê Rûsyayê Vladîmîr Pûtîn re got, sedemeke ku Beşar Esad ji Îsraîlê bitirse nîne. Netanyahû ji Pûtîn xwest, hêzên Îranê ji Sûriyê derkevin.
Alî Ekber Welayetî da xuyakirin ku ji bo pozîsyona leşkerî ya Îranê ya li Sûriyê diyar bikin, ew bi Moskova û Şamê re di nava koordîneyekê de dixebitin.
Eger Iraq û Sûriye bixwazin em ê vekişin!
