240 endamên QSD`ê piştî ku li Akademiya Şehîd Dijwar Efrîn a li gundê Genterî perwerdeya xwe qedand, soz dan û tev li Pêngava Bagera Cizîrê bûn.
Akademiya Şehîd Dijwar Efrîn dewreya perwerdeyê ya bi navê “Şehîd Serhed Hesekê” ku 240 endam ji bajarên Dêrazor, Hesekê û Kobanê tev lê bûbûn, bi dawî kir.
Perwerdeya Hêzên Sûriya Demokratîk QSD’ê 15 rojan berdewam kir û di perwerdeyê de şervanan waneyên bîrdozî û leşkerî dîtin.
Perwerde bi merasîmekê bi dawî bû. Di merasîmê de ji fermandarên QSD’ê Ciwan Genterî axivî û keda kesên ku li ser perwerdeyê disekinin pîroz kir.
Ciwan Genterî bidawîkirina perwerdeyê li şervanan pîroz kir û destnîşan kir ku wê şerê li hemberî DAIŞ`ê berdewam be hetanî ku Sûriye bi tevahî ji çeteyan bê paqijkirin. Di dawiyê de şervanên ku tev li perwerdeyê bûn, soz dan û xwe amade kirin da ku berê xwe bidin Dêrazorê beşdarî Pêngava Bagera Cizîrê bibin…ANHA
Perwerde qedandin, tevli Pêngava Bagera Cizîrê bûn
