Serokê DYA’yê Donald Trump gef xwar ku heke hevkarên wan ên li NATO’yê lêçûnên xwe yên leşkerî zêde nekin ew ê ji tifaqa Atlantîkê derkevin.
Li gorî agahiyên civîna NATO’yê ya li Brukselê Trump li hemberî hevkarên xwe yên li NATO’yê gotinên tund kiriye. Trump ji endamên tifaqê xwest ku bila 2 ji sedî dahata xwe ya neteweyî ji bo lêçûnên xwe yên parastinê bi kar bînin.
Li gorî RTL înfoyê Trump vê carê gef xwariye û diyar kiriye ku ew amade ye ji NATO’yê derkeve. Lê Trump piştre di civîneke çapemeniyê de diyar kiriye ku ew ji NATO’yê bawer e û di warê fînansmana tifaqê de pêşveçûnên mezin pêk hatiye.
Serokê DYA’yê vê hefteyê rexneyên xwe yên li dijî Elmanyayê jî dewam kiriye. Trump ji Berlînê xwestiye ku bila lêçûnên xwe yên parastinê zêdetir bike. Trump li ser hesabê xwe yê twîtterê got ku, “Elmanya ya ku dixwaze xwe biparêze, ji bo pêdiviya enerjiya ku ji xeta gazê ya Rûsyayê tê, bi milyaran dolar daye. Ev tişt nayê qebûlkirin.”
Dema ku civîna giştî li dar diket, li ser banga Trûmp Sekreterê Giştî yê NATO’yê Jen Stoltenberg 29 endamên tifaqê ji bo lêçûnên leşkerî vexwend civînê. Li gorî medyaya Belçîkayê RTBF’ê Elmanya di serî de Trump gelek welat kiriye hedef. Trûmp bi zimanekî tund axiviye û Belçîka û Îspanya jî rexne kiriye.
Trûmp zextan li NATO’yê dike
