Komîteya Lihevanînê ya Meclîsa Sivîl a Herêma Teqayê bi hevakariya Hêzên Ewlekariya Hundirîn xizmên ji êla Ziweyqat a bajaroka El-Cirniya ku ji beriya 20 salan ve nakokî di navbera wan de heye li hev anîn.
Ji beriya 20 salan, li ser parvekirina milkên li gundê Mihenawî di navbera xizmên ji êla Ziweyqat nakokî derketiye. Ji wê demê ve tu aliyan nedikarî wan li hev bînin.
Hevserokê Meclîsa Gundê Mihenawî Ebdulezîz Xêro ê ji êla Ziweyqat diyar kir ku pirsgirêka her du aliyan çend caran radestî dadeghên rêjîma Baas hate kirin, lê nehat çareserkirin.
Xêro anî ziman ku Komîteya Lihevanînê bi hevkariya Hêzên Ewlekariya Hundirîn bi her du aliyên dozê re civiyan û nêrînên wan guhdar kirin, da ku bighêjin encamekî li gorî razbûna her du aliyan. Xêro destnîşan kir ku komîteyê erd di navbera herdu aliyan de parve kir û ew li hev anîn.
Hevserokê Meclîsa Gundê Mihenawî Ebdilezîz Xêro spasiya Komîte û hemû aliyên ku ev pirsgirêk çareserkirine, kir.
Nakokiyên 20 salan hatin çareser kirin
