Meclîsa Jinan a HDP’ê, têkildarî girtina Hevseroka Kongreya Civaka Demokratîk KCD’ê û Parlamentera HDP’ê ya Colemêrgê Leyla Guven daxuyaniyeke nivîskî weşand.
Meclîsa Jinan a Partiya Demokratîk a Gelan HDP’ê, têkildarî biryara dadgehê ku ji bo Hevseroka KCD’ê û parlamentera HDP’ê ya Colemêrgê Leyla Guven da, daxuyanî da û diyar kir ku Leyla Guven vîna hemû jinên Tirkiye û gelan e. Meclîsê da zanîn ku wê vê bê hiqûqiya li dijî mafê jinê qebûl nekin û têbikoşin.
Meclîsê, anî ziman ku destnedayîna Leyla Guven heye û li gorî Qanûna Bingehîn piştî Hilbijartina 24’ê Hezîranê êdî divê dozên wê bên rawestandin û neyê darizandin. Meclîsê da zanîn ku li gorî xala 83’an a Qanûna Bingehîn tu cudahiya wê ji 598 wekîlên li meclîsê tune ye.
Meclîsê diyar kir ku darazê bi fermana Qesrê biryar daye û ev biryara hatiye dayîn li dijî hiqûq û mafên mirovan e. Meclîsê da zanîn ku danişîna dozê taloqî 4’ê Mijdarê kirine û got: “Bi vê yekê re rejîma AKP/Qesrê wêneyê rejîma nû ya li Tirkiye û Kurdistanê xêz kiriye. Em ê heta dawî li dijî vê yekê têbikoşin. Leyla vîna me tevan e û em wê bi tenê nahêlin.”
Emê li dijî bêhiqûqiyê têbikoşin
