Rêxistina Kongreya Star a Eyn Îsayê amadekariyên xwe yên lidarxistina kongreya duyemîn didomîne. Di vê çarçoveyê de, meclîsa nû ya kongreyê ya navçeyê hate hilbijartin.
Ji bo hilbijartina endamên Meclîsa Kongreya Star a navçeya Eyn Îsa ya Kantona Girê Spî, civînek hate lidarxistin.
Endama Rêveber a Meclîsa Jinê ya Girê Spî Înas Mihemed, endama Rêveber a Mala Jin ya navçeyê Xewle Ebdulcebar û bi dehan jin tevlî civînê bûn.
Di civînê de endama Rêveber a Mala Jin a Kantona Girê Spî Înas Mihemed rêziknameya kongrayê xwend. Her wiha behsa girîngiya rola jin di pêşketina civakê de kir.
Endama Rêveber a Mala Jin a navçeyê Xewle Ebdulcebar jî li ser girîngiya beşdarbûna hemû jinan ji van civînan axivî.
Di dawiya civînê de 4 jin wekî endamên Meclîsa Kongereya Star a navçeyê hatin hilbijartin.
Kongreya Star amadekariyên xwe yên Kongreyê didomîne
