Bi armanca pêşxistin û hînkirina ciwanan, Komîteya Çandê bi alîkariya Rêxistina Sivîl a Pel û Komîteya Ciwan û Werzîşê, pêşengehek wênesaziyê li kampa Eyn Îsa vekirin. Pêşengeh wê du rojan vekirî be. Endamê Komîteya Ciwan û Werzîşê yê Meclîsa Sivîl a Reqayê Ehmed El-Şerîf diyar kir ku armanca vekirina pêşengehê ew e ku di ciwanan de afrînerî pêş bikeve.
Komîteya Çand û Hunerê ya Meclîsa Sivîl a Reqayê pêşengehek wênesaziyê li kampa koçberan a Eyn Îsa vekirin.
Bi armanca pêşxistin û hînkirina ciwanan, Komîteya Çandê bi alîkariya Rêxistina Sivîl a Pel û Komîteya Ciwan û Werzîşê, pêşengehek wênesaziyê li kampa Eyn Îsa vekirin. Pêşengeh wê du rojan vekirî be.
Di merasîma vekirina pêşengehê de, endamên Komîteya Ciwan û Werzîşê, Komîteya Çand û Huner, ciwanên kampa Eyn Îsa û endamên Rêxistina Sivîl a Pel amade bûn.
Di pêşengehê de derora 150 tabloyên mezin û hin tabloyên biçûk yên ku ji aliyê 75 wênesazên kampê ve hatin xêzkirin hatine daliqandin.
Meclîsa Sivîl a Reqayê tabloyên pêşengehê wê li herêma Cizîrê û Minbic jê pêşkêş bikin.
Endamê Komîteya Ciwan û Werzîşê yê Meclîsa Sivîl a Reqayê Ehmed El-Şerîf armanca vekirina pêşengehê destnîşan kir û anî ziman ku armanca pêşengehê dema ciwanan vala derbas nebe û afrînerên wan pêş bixin.
Endamê Komîteya Hunera Şêwekariyê ya Burorya Çand û Hunerê Ziyad El-Hemed jî destnîşan kirin ku tablo wê werin nirxandin û li gorî sê astan xelat werin belavkirin.
