Li taxa Şêxmeqsûd a Helebê du baxçeyên zarokan (Kulîlkên Pêşerojê û El-Berêm) di pêşxistina şarezahiyên zarokan de û ji bo sivikkrina barê hemû jinan bi taybet jinên kedkar roleke girîng lîst.
Di merheleya baxçe de zarok gelek şarezahî û tecrubeyên jiyanî bi dest dixin û ji bo merheleyên pêş jî bingeh e. Her wiha fersendeke ku jinên kedkar barê xwe sivik bikin û bi karê xwe re mijûl bibin.
Piştî rewşa şer ya li taxa Şêxmeqsûd tê û ji ber metirsiyên şêniyan ji dûrketina zarokên wan ji xwendinê, Kongreya Star ji bo vekirina 2 baxçeyên zarokan kar û xebat meşand. 7 mamosteyên baxçe li ser şêwazên danûstandina bi zarokan re, fêrkirin û alîkariya derûnî hatin perwerdekirin.
Baxçeyê Kulîlkên Pêşerojê beriya salekê li rojavayê taxa Şêxmeqsûd hate vekirin. Tê de 50 zarok hene.
Baxçeya El-Berêm beriya 3 mehan li taxa Eşrefiyê hate vekirin. Tê de 20 zarok hene.
Temenên zarokan li her du baxçeyan di navbera 4-8 saliyê de ne.
Zarok di baxçeyan de zimanên Erebî, Kurdî û Înglîzî dibînin û her wiha şarezahiyên tevgerê bi rêya lîstikan fêr dibin.
Endama rêveber a Kongreya Star Nehle Mistefe da zanîn ku li ser daxwaza şêniyan piştî serkeftina baxçeyê yekemîn kongreya baxçeyê duyemîn bi navê El-Beraêm li taxa El-Eşrefiyê vekir.
Her wiha Nehla destnîşan kir ku ev her du baxçe di birêxistinkirina jinan de roleke girîng lîst û barên jinan sivik kirin. Piştî ku zarok tev li baxçeyan bûn, jinên kedkar dem dît ku xwe ji qeydên civakê rizgar bikin û her wiha di karê xwe de xwe bi pêş bixin.
Şeza Tirad ji pêkhateya Ereb e. Ji zanîngeha perwerdeya baxçeyên zarokan derçûye. Li ser mijara baxçe wiha got: “Armanca baxçeyan tevî bidestxistina şarezahiyên ziman û bîrkarî, perwedekirina zarokan li ser rêgeza hevkariyê ye û her wiha pêşkêşkirina alîkariya derûnî ji zarokan re ye.”
Her wiha Şeza Tirad destnîşan kir ku ew zarokan dişopînin û li gorî taybetiyên wan bi awayekî rast bi wan re danûstandinê dikin. Şeza diyar kir ku wan ji ber rewşa hin zarokan a taybet û ji bo çareserkirina pirsgirkên wan ew şandin aliyên têkildar…ANHA
Baxçeyên zarokan barê jinan sivik dike
